LUKAS 16:2 - JANJAI BLAU Lem Bahaso Jang Bebilai

² Lajau si menok pegawai keuangan o ngen madeak, ‘Jano dio de uku temi'uk tetang udi? Uyo, senreak ngen uku laporan tetang kerjonu murus hokku. Ko coa buliak igai jijai pegawai uku.’

LUKAS 16:2 Iomraidhean Croise

MATIUS 12:36

Jijai, ingetba: pado Bilai Kiamat, tiep tun harus tanggungjawab ngen tiep de nucapne de coa beguno.

MATIUS 20:8

Waktau bilai pelbeak, de temuan kebun madeak ngen mandorne, ‘Kenokba pekerjo pekerjo'o ngen nasenba upeak tiep-tiep tobo'o, muloi kunei de masuk kedong sapei ngen de pertamo.’

LUKAS 12:20

Tapi firman Allah ngen si: ‘Hoi udi tun bodong, pado kelmen yo kulo jiwonu bakea nemok kunei ko, ngen jano de bi ko seniap, utuk api?’

LUKAS 12:42

Jawab Tuhan, “Jijai, api pelayan umeak de setia ngen bijaksana de bakea naket tuanne jijai pemipin das kute pelayanne utuk melei kembuk ngen tobo'o pado waktaune?

LUKAS 16:1

Yesus madeak ngen penotoa-penotoa-Ne, “Adeba suang kayo. Si temuan suang pegawai keuangan de murus hokne. Tun kayo o dapet laporan bahwo pegawaine yo bogoa mabis cacine.

LUKAS 16:3

Mako pegawai o bepeker, ‘Uku harus menea jano uyo? Tuanku lok mpas uku. Makau uku coa kuet, beradoi uku selek.

ROMA 14:12

Jijai ite masing-masing harus tanggung jawab ngen kute plep ite ngen Allah.

1 KORINTUS 1:11

Sebab, tun-tun kunei keluargo Klöe melei namen ngen uku bahwo ade tekea neak antaro udi.

1 KORINTUS 4:2

De pertamo sekilai tenuntut kunei pelayan de awei yo adeba bahwo si setia ngen tuanne.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

2 KORINTUS 5:10

Sebab paset ite kute bakea mbin moi adep pengadilan Kristus, memasing bakea dapet balasan setimpal ngen plepne neak dunio yo, baik atau kidek.

1 TIMOTIUS 4:14

Jibeak ko laloi makei karunio kunei Roh Allah de nelei ngen ko pado waktau pemipin-pemipin jemaat pek tangen tobo'o neak das ulaunu, ngen nebai-nebai semapei pesen Allah tetang dirainu.

1 TIMOTIUS 5:24

Duso kekedau tun, ayok senidang, bi keten ngen jelas. Tapi duso tun luyen tembei namen sesudone.

1 PETRUS 4:10

Udi masing-masing sudo temimo pelei-pelei de coa serai kunei Allah. Sebab o sebagai tun de matur pelei-pelei Allah, lokba udi gemuno kepacok o utuk kepetingan besamo.

1 PETRUS 4:5

Tapi tobo'o konyo harus melei pertanggungjawaban ngen Allah de sudo siap utuk semidang tun de idup ngen de matei.

WAHYU 20:12

Ngen uku kemliak tun-tun matei, lai titik, je neak adep takhta o. Mako kiteb-kiteb kulo nukok. Lajau debueak kiteb de luyen nukok, adeba Kiteb Tun Idup. Sesudo'o ukuman nelei ngen tun matei, setipal ngen plep tobo'o temurut de ade neak lem bukau-bukau o.