LUKAS 16:16 - JANJAI BLAU Lem Bahaso Jang Bebilai

¹⁶ Ukum de nelei ngen Musa ngen ajaran nebai-nebai, tep belakau sapei pado maso Yohanes Pembaptis. Sejok waktau o Bito Baik tetang awei ipe Allah meriteak awei Rajo nelei bito bogoa. Ngen tun mekuak dirai utuk jijai anggota umat Allah.

LUKAS 16:16 Iomraidhean Croise

MATIUS 10:7

Melei namen ngen tobo'o bahwo Allah mriteak awei Rajo.

MATIUS 15:11

De masuk moi lem bibia coa menea tun najis, amen de kelua kunei lem bibiane, do'oba de jemijai tun najis.”

MATIUS 21:32

Sebab Yohanes Pembaptis teko ngen temunjuk ngen udi ca'o idup de kenlok Tuhan nu, tapi ko coa pecayo ngen ajaran-Ne, tapi penagiak pajak ngen selawei nakea pecayo ngen Si. Tapi kunyau ko bi kemliak kutene'o, udi tep coa mubeak pekerannu, ngen coa pecayo ngen Tuhan.”

MATIUS 3:2

Si madeak, “Bertobatbah kunei duso-dusonu kerno Allah bakea segro meriteak sebagai Rajo!”

MATIUS 4:17

Muloi waktau'o Yesus semapei pesen yo, “Be tobatba kunei duso-dusonu, kerno Allah bakea segro meriteak jijai Rajo!”

MATIUS 4:23

Yesus lalau moi kute penan neak daerah Galilea. Si ngajea tun dau tetang Allah de bakea mriteak ngen-Si kulo kemaen tun-tun kunei olonne ngen cacet.

MARKUS 1:14

Sesudo Yohanes tenakep tekoba Yesus moi Galilea semiar Bito Baik kunei Allah.

MARKUS 1:45

Tapi tun'o lalau melei namen hal'o serto semiar neak ipe bae, sehinggo Yesus coa dapet igai tete'ang masuk moi lem kuta. Si tinggea nak luea nak penan sunyai; tapi tun te'us kulo teko ngen-Si kunei kute penan.

LUKAS 10:11

‘Kulo debu kota udi de melket pado kekea keme, keme kemibas neak adepnu. Tapi namenba dio: Allah meriteak sebagai Rajo sudo pa'ok.’

LUKAS 10:9

Kena'enba tun-tun de bolon neak kota o, ngen nelei bito ngen tun-tun neak di, ‘Allah segro bakea muloi meriteak awei Rajo neak tengeak-tengeak udi.’

LUKAS 16:29

Abraham jemawab, ‘Tobo'o sudo temuan bukau-bukau Musa ngen bukau tobo nebai! Kunyauba tobo'o temurut jano de tetulis lem bukau-bukau o!’

LUKAS 16:31

Tapi Abraham madeak, ‘Amen tobo'o coa temi'uk periteak Musa ngen nebai-nebai, pasetba tobo'o coa bakea masai kulo, kunyau kulo ade tun matei de idup igai.’ ”

LUKAS 9:2

Sesudo'o Si meluak tobo'o lalau kema'en tun bolon ngen semiar bito tetang awei ipe Allah meriteak sebagai Rajo.

YOHANES 1:45

Filipus magea Natanael ngen madeak ngen si, “Keme bi temau Si, de nadeak Musa ngen Kiteb Taurat ngen tobo nebai. Siba Yesus, anok Yusuf kunei Nazaret.”

YOHANES 11:48

Amen ite munyau Si, mako kute tun bakea pecayo ngen-Si, tun-tun Roma bakea teko ngen bakea merapok Penan Sucai ite serto bangso ite!”

YOHANES 12:19

Lajau madeak tun-tun Farisi suang ngen de luyenne, “Ko kemliak suang bahwo udi samo sekilai coa berasea, keliakba, kute dunio teko temotoa Si.”

YOHANES 5:4

Sebab sewaktau-waktau tu'un malaikat Tuhan moi kulam o ngen mengunyak bioa o; api bae de dute masuk moi lemne sesudo unyak bioa'o, jijai kaen, jano bae olonne.]

KISAH RASUL-RASUL 3:18

Kerno'oba tejijai kulo jano de sudo Allah melei namen bel o liwet kute nebai-nebai-Ne, bahwo Rajo Penyelamat de jenanjai o arus mendrita.