LUKAS 16:15 - JANJAI BLAU Lem Bahaso Jang Bebilai

¹⁵ Tapi Yesus madeak ngen tobo'o, “Ko ba tun de neak adep tun luyen keten benea, tapi Allah namen isai ateinu. Sebab jano de nanggap lekat ngen manusio, nanggap tembeak ngen Allah.

LUKAS 16:15 Iomraidhean Croise

MATIUS 23:5

Kute de tobo'o menea cuma utuk kenliak tun bae. Tobo'o sengajo makei tilai semyang de libea ngen nanjang jumbai-jumbai jubah tobo'o.

MATIUS 6:16

“Amen udi puaso, jibeakba papeanu murung awei tun munafik. Tobo'o sengajo kemten papea murung kunyau tun kemliak amen tobo'o dong puaso. Do'oba upeak de tobo'o bi temimo.

MATIUS 6:2

Amen udi melei sedekeak ngen tun peset, jibeak melei namen tun dau tetang hal'o awei de tun munafik. Tobo'o menea neak umeak semyang ngen dalen lai utuk nujai tun. Ingetba tobo'o dapet upeakne.

MATIUS 6:5

“Amen udi bedu'o, jibeakba bedu'o awei tun munafik, tobo'o galok bedu'o je neak lem umeak semyang ngen sipang-sipang dalen lai, kunyau tun namen, ingetba do'o upeak de bi temimo.

LUKAS 10:29

Tapi utuk benea diraine tun o madeak ngen Yesus, “Api sesamoku manusio?”

LUKAS 11:39

Tapi Tuhan madeak ngen si, “Udi tun-tun Farisi, udi mersih de luea kunei makuk ngen pinggan, tapi de neak lem ateinu penuak kekerasan ngen kejahatan.

LUKAS 18:11

Tun Farisi o je ngen bedu'o lem ateine awei yo, ‘Au Allah, uku mucep syukur ngen Ko, kerno uku coa serai awei kute tun luyen, iso perapok, iso tun coa jujur, iso tun de berzinah ngen iso kulo awei penagiak pajak yo.

LUKAS 18:14

Uku madeak ngen udi, “Tun yo belek moi umeakne awei tun de benea temurut Allah ngen tun Farisi o coa. Sebab barang api melekat dirai, si bakea tenbeak ngen barang api tembeak dirai, si bakea nelkat.”

LUKAS 18:21

Nadeak tun o, “Kute periteak'o sudo uku temotoa kunei u'ai.”

LUKAS 18:9

Ngen kekedau tun de manggap diraine benea ngen mandang tembeak kute tun luyen, Yesus madeak perumpamo yo:

LUKAS 20:20

Gu'au-gu'au agamo ngen imem-imem kepalo demnong Yesus. Tobo'o meluak ngen-Ne matai-matai de ce'icak awei tun jujur, supayo tobo'o dapet temakep-Ne ngen temanye ngen semreak-Ne ngen wewenang ngen kekuaso gubernur.

LUKAS 20:47

Tobo'o mike jando-jando ngen mbut umeakne. Ngen utuk temutup kejahatan tobo'o o, tobo'o bedu'o pepanjang! Hukuman tobo'o paset benek!”

YOHANES 2:25

Coa perlu suang tun bersaksai ngen-Si tetang manusio, sebab Si namen jano de ade neak lem atei manusio.

YOHANES 21:17

Nadeak Yesus ngen si utuk ketelau kilaine, “Simon, anok Yona, jano Ko mengasiak Uku?” Petrus kulo meding ibo kerno Yesus madeak utuk ketelau kilaine, “Jano ko mengasiak Uku?” Ngen si madeak ngen-Ne, “Tuhan, Ko namen kute sesuaktau. Ko namen, bahwo uku mengasiak Ko.” Nadeak Yesus ngen si, “Meliaroba bebirai-Ku.

KISAH RASUL-RASUL 1:18

Yudas yo bi dapet debidang taneak kunei upeak kidekne, lajau si us telukup, ngen teneine pegit sehinggo kute si'ing teneine keluea.

KISAH RASUL-RASUL 1:24

Tobo'o kute bedu'o ngen madeak, “Au Tuhan, Ko ba de namen atei kute tun, tunjukba kirone api de ko bi niliak kunei keduai tun yo,

KISAH RASUL-RASUL 15:8

Allah, de kemnal atei manusio, melei saksai utuk tobo'o ngen melei karunio Roh Sucai ngen tobo'o serai awei ngen ite.

ROMA 3:20

Sebab coa su'ang tun kulo dapet benea neak adep Allah kerno kemerjo hukum agamo Yahudi, kerno justru hukum agamo Yahudi tun kemnal duso.

ROMA 8:27

Ngen Allah de semlidik atei nurani, namen maksud Roh o, adeba bahwo si, sesuai ngen kelok Allah, bedu'o utuk tun-tun sucai.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

1 PETRUS 3:4

Sebelekne, lokba kecantikannu ade kunei lem batin, budi pekerti de lemah lembut ngen tenang; do'oba kecantikan kekea de kembiak bego temurut pandangan Allah.

1 PETRUS 5:5

Awei'o kulo Saudaro, tun-tun uai. Tundukba ngen tun-tun de tuai. Saudaro kutene harus merendeak dirai ngen saling melayan ngen rendeak atei. Sebab lem Kiteb sucai tetulis awei yo, “Allah temtang tun de ombong, tapi mengasiak tun de rendeak atei.”

WAHYU 2:23

Penotoa-penotoane bakea Uku munuak kulo supayo kute jemaat sadar bahwo Ukuba Si de namen pekeran ngen atei manusio. Uku bakea males udi temurut plep udi masing-masing.