LUKAS 16:11 - JANJAI BLAU Lem Bahaso Jang Bebilai

¹¹ Jijai, amen udi coa setia lem hal kayo dunio, api de bakea masai ngen udi harto de sesungguakne?

LUKAS 16:11 Iomraidhean Croise

MATIUS 6:24

“Coa ade do tun dapet kerjo ngen duai tuan. Sebab si lebiak mengasiak de do kunei de luyen atau si lebiak setia ngen tuan de do kunei pado de luyen. Awei yo kulo ngen udi. Udi coa dapet kerjo utuk Allah ngen harto.

LUKAS 12:33

Jenuoba kute hoknu ngen neleiba sedekeak! Meneaba bagiaknu dupet de coa dapet jijai tuai, do hok neak surgo de coa bakea abis, de coa dapet risau mokne ngen coa usak nembuk get.

LUKAS 16:12

Ngen amen udi coa setia lem harto tun luyen, api de bakea semreak hartone suang ngen udi?

LUKAS 16:9

Lajau Yesus miling igai, nadeak-Ne, “Ti'ukba! Pakeiba kayo dunio yo utuk dapet kuat, supayo amen kayo dunio yo sudo coa bego igai, udi bakea tenimo neak penan tinggea de abadi.

LUKAS 18:22

Temi'uk do'o Yesus madeak ngen si, “Masiak tinggea do hal igai de harus ko menea: Jenuoba kute de ko temuan ngen nagiakba do'o ngen tun-tun peset, mako ko bakea dapet hok neak surgo. Sesudo'o teko moi miyo ngen milimba Uku.”

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

WAHYU 3:18

Sebab o Uku melei nasihat udi supayo temukua kunei pado-Ku mas, adeba mas de murni, supayo udi jijai kayo. Nukuaba kulo keracok putiak kunei pado-Ku supayo udi makei keracok ngen temutup awok udi de beleseng ngen nyelek. Ngen mukuaba kulo ubet utuk nusep neak matainu supayo udi dapet ngeliak.