LUKAS 15:8 - JANJAI BLAU Lem Bahaso Jang Bebilai

⁸ “Atau selawei ipe de temuan puluak caci pirok, lajau si kelnyep do neak antarone, coa midup lapu ngen semupau umeak serto mesoane ngen teliti sapei si temaune?

LUKAS 15:8 Iomraidhean Croise

MATIUS 5:15

Coa gen tun midup lapu, sudo'o munyinne neak beak talam, tapi neak das kekea lapu sehinggo melei te'ang kute tun neak dasei'o.

LUKAS 15:7

Uku madeak ngen udi Awei yo kulo bakea ade keriang neak surgo kerno do tun beduso de betobat, lebiak kunei pado riang kerno sembilan puluak sembilan tun benea de coa perlu betobat.”

LUKAS 15:9

Ngen amen si bi temaune, si menok kekuat ngen tetanggone serto madeak, ‘Beriangba sesamo ngen uku, sebab caci pirokku de nyep o bi kutemau!’

LUKAS 19:10

Sebab Anok Manusio teko utuk mesoa ngen semlamat de nyep.”

YOHANES 10:16

Tapi Uku kulo temuan bebirai de luyen de iso kunei ke'ung yo. Bebirai o arus napeak kulo ngen tobo'o bakea temi'uk sa'ei-Ku ngen tobo'o bakea jijai do klopok ngen do gembala.

YOHANES 11:52

Iso utuk bangso o bae tapi kulo utuk kemopoa ngen menea jijai do anok-anok Allah de cibea.

KISAH RASUL-RASUL 19:19

Dau kulo neak antaro tobo'o, de perneak menea sihir, kemopoa kiteb-kitebne lajau nembemne neak adep kute tun. Go kiteb-kiteb o kekiro lemo puluak ribau caci pirok.

EFESUS 2:17

Kristus teko ngen melei Bito Baik tetang perdamaian o ngen udi, baik ngen udi de iso yahudi de bel'o uak kunei Allah, atau ngen tun Yahudi de pa'ok ngen Allah.