LUKAS 15:6 - JANJAI BLAU Lem Bahaso Jang Bebilai

⁶ ngen sesapeine neak umeak si menok kekuat ngen tetanggone serto madeak ngen tobo'o, ‘Beriangba sesamo ngen uku, sebab bebiraiku de nyep o bi uku temau.’

LUKAS 15:6 Iomraidhean Croise

LUKAS 1:58

Tetanggo-tetanggone serto pepasuakne temi'uk bahwo Tuhan bi temunjuk rahmat-Ne de kembiak lai ngen Elisabet. Tobo'o besuko cito besamo-samo ngen si.

LUKAS 15:10

Uku madeak ngen udi, ‘Awei yo kulo bakea ade riang pado malaikat-malaikat Allah kerno do tun beduso de betobat!’ ”

LUKAS 15:24

Sebab anokku yo bi matei ngen jijai idup igai, si bi nyep ngen dapet igai.’ Mako muloiba tobo'o beriang.

LUKAS 15:5

Ngen amen si bi temaune, si mpekne neak das baune ngen riang,

LUKAS 15:7

Uku madeak ngen udi Awei yo kulo bakea ade keriang neak surgo kerno do tun beduso de betobat, lebiak kunei pado riang kerno sembilan puluak sembilan tun benea de coa perlu betobat.”

YOHANES 15:14

Udi adeba kuat-Ku, amen udi menea jano de Uku periteak ngen udi.

YOHANES 3:29

De temuan ngenyan selawei, adeba maten semanei; tapi kuat maten semanei, de je neak pa'ok Si ngen de temi'ukne, kembiak riang temi'uk suaro maten semanei'o. Do'oba keriang ku, ngen uyo keriang ku'o penuak.

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

KISAH RASUL-RASUL 15:3

Tobo'o nembes ngen jemaat sapei moi luea kota, lajau tobo'o paneu liwet Fenisia ngen Samaria, cemrito tetang pertobatan tun-tun iso Yahudi. Hal o kembiak semnang atei tun-tun de pecayo neak di.

FILIFI 1:4

Ngen tiep kilai uku bedu'o utuk udi kutene, uku bedu'o ngen atei riang.

FILIFI 2:17

Mukin uku bakea nunuak ngen daleakku jijai awei kurban curahan neak das jano de udi melei ngen Allah sebagoi tando bahwo udi pecayo ngen Si. Amen memang do'o harus awei o, uku bersyukur das hal o ngen milau beriang ngen udi.

FILIFI 4:1

Sebab o, Saudaro-saudaro de uku cito, awei yo ba lokne udi idup ngen sungguak-sungguak pecayo ngen Tuhan. Ateiku indau ngen udi! Udiba kebanggaanku de menea uku riang.

1 TESALONIKA 2:19

Sungguak udiba harapan ngen keriang serto mahkota kebanggaan keme. Sebab be amen Tuhan Yesus teko, ngen ite madep-Ne, mako udiba de bakea jijai kebanggaan keme!

1 PETRUS 2:10

Bel'o udi iso umat Allah, tapi uyo udi adeba umat Allah. Bel'o udi coa kenasiak Allah, tapi uyo udi temimo belas kasihan-Ne.

1 PETRUS 2:25

Bel'o udi awei bebirai de seset, tapi uyo udi bi nembin igai utuk temotoa Gembala ngen Pemelihara jiwonu.