LUKAS 13:25 - JANJAI BLAU Lem Bahaso Jang Bebilai

²⁵ Amen tuan umeak bi klongon ngen bi kematup bang, udi bakea je neak luea ngen gemtuk bang samo madeak: ‘Tuan, nukokba keme bang!’ Ngen Si bakea jemawab ngen madeak ngen udi, ‘Uku coa namen kunei ipe udi teko.’

LUKAS 13:25 Iomraidhean Croise

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

LUKAS 13:27

Tapi Si bakea madeak ngen udi, ‘Uku coa namen kunei ipe udi teko. Lalauba kunei adep-Ku, hoi udi kutene de menea kejahatan!’

LUKAS 3:8

Tunjukba ngen plep ko bahwo ko sudo betobat kunei duso-dusonu! Jibeak muloi madeak Abraham adeba ninik puyang ko. Inget: Kunei butau-butau yo kulo Allah nam menea royot utuk Abraham!

LUKAS 6:46

“Getai udi menok Uku, ‘Tuhan, Tuhan,’ tapi coa menea jano de Uku nadeak ngen ko?

2 KORINTUS 6:2

Sebab Allah berfirman, “Pado waktau Uku berkenan, Uku temi'uk ko, ngen pado bilai Uku temulung, Uku temulung ko.” Sesungguakne, waktau yo adeba waktau perkenanan o. Sesungguakne, bilai yo adeba bilai penyelamatan o.

IBRANI 12:17

Udi namen bahwo sesudo'o Esau lok dapet berkat o kunei bapokne, tapi si tenulok. Sebab kunyau ngen ngindoi si mesoa dalen utuk menea kesalahanne jijai baik, kesepatan utuk o coa ade igai.