LUKAS 13:15 - JANJAI BLAU Lem Bahaso Jang Bebilai

¹⁵ Tapi Tuhan jemawab si, nadeak-Ne, “Hoi tun-tun munafik, iso tiep tun neak antaronu mpas sapaine atau keledaine pado bilai Sabat kunei kandangne ngen mbinne moi penan menem?

LUKAS 13:15 Iomraidhean Croise

MATIUS 15:14

Jibeakba renyeng ngen tun-tun Farisi'o. Tobo'o pemipin-pemipin buto, amen tun buto mipin tun buto, keduaine bakea us moi lem lubang.”

MATIUS 15:7

Udi tun munafik! Beneaba Yesaya semapei pesen kunei Allah tentang udi, dioba,

MATIUS 23:13

“Celakoba udi pemipin-pemipin agamo ngen tun-tun Farisi! Tun-tun munafik. Kerno udi malang tun-tun utuk jijai anggota umat Allah. Udi dewek coa lok jijai anggota umat Allah, ngen tun de lok, udi malang. [

MATIUS 23:28

Udi kulo awei'o, kunei luea udi ketenne baik ngen tun, tapi peak lem, udi penuak ngen munafik ngen duso-duso.”

MATIUS 7:5

Hoi tun munafik! Kemlueaba kileak kieu kunei matainu dewek, mako ko bakea kemliak ngen jelas, ngen dapet utuk kemluea debu kieu kunei matai pasuaknu.

LUKAS 12:1

Beribau tun dedesok sapei ade de tekelat kekeane. Sementaro tun-tun o belungguk, Yesus madeak ngen penotoa-penotoa-Ne, “Atei-ateiba te'adep agai tun Farisi, maksud-Ku, tobo'o munafik.

LUKAS 14:5

Sesudo'o Yesus madeak ngen tun-tun, “Misalne suang kunei udi temuan suang anok atau dikup sapai de us moi lem sumua pado bilai Sabat, jano si coa bakea segro temarik moi luea anok o atau sapai o pado bilai o kulo?”

LUKAS 6:42

Awei ipe udi dapet madeak ngen pasuaknu, ‘Maro, pasuak, uku kemluea kiyeu tatea o kunei matainu o,’ tapi lem matainu suang ade balok de coa udi keten? Hoi munafik! Kelueaba kilea balok de ade pado matainu suang. Baruba udi dapet kemliak ngen jelas ngen dapet kemluea tatea kiyeu kunei matai pasuaknu.”

LUKAS 7:13

Ngen ketiko Tuhan kemliak jando o, tegerokba atei-Ne ngen belas kasiak, lajau Si madeak ngen si, “Jibeak ngindoi!”

LUKAS 7:19

si menok duai tun kunei antarone ngen meluak tobo'o temnai ngen Tuhan Yesus, “Ko de bakea teko temurut janjai Allah atau keme harus mbot de luyen.”