LUKAS 12:48 - JANJAI BLAU Lem Bahaso Jang Bebilai

⁴⁸ Tapi pelayan de coa namen kelok tuanne, sesudo'o menea sesuaktau de saleak sehinggo harus nimbet, bakea nimbet ngen didik bae. Sebab tun de sudo nelei dau, kunei padone bakea tenuntut dau kulo. Ngen tun de sudo pecayo, kunei padone bakea tenuntut dau kulo.”

LUKAS 12:48 Iomraidhean Croise

MATIUS 13:12

Kerno'o tun bi temuan, bakea nelei lebiak dau igai, ngen si bakea nelei ngen melipeak. Tapi tun de coa temuan jano-jano, mako didik de ade ngen si bakea nemok.

MATIUS 23:14

Celakoba udi gu'au-gu'au agamo ngen tun-tun Farisi: Udi tun-tun munafik. Udi mike jando-jando ngen mok seca'o pakso umeakne, utuk temutup uleak jahat'o udi beduo panjang-panjang. Do'oba sebabne hukuman udi konyo benek!]

LUKAS 12:41

Petrus madeak, “Tuhan, keme de Ko maksud ngen perumpamo o atau kute tun?”

LUKAS 12:49

“Uku teko utuk meluk opoi moi bumai ngen Uku kembiak ma'ep, opoi o bi idup!

LUKAS 16:2

Lajau si menok pegawai keuangan o ngen madeak, ‘Jano dio de uku temi'uk tetang udi? Uyo, senreak ngen uku laporan tetang kerjonu murus hokku. Ko coa buliak igai jijai pegawai uku.’

YOHANES 15:22

Sekirone Uku coa teko ngen coa madeak ngen tobo'o, tobo'o paset coa beduso. Tapi uyo tobo'o coa temuan alasan utuk duso tobo'o!

KISAH RASUL-RASUL 17:30

Coa kemliak igai zaman kebodohan, uyo Allah meriteak kute tun neak ipe bae utuk tobat.

1 TIMOTIUS 1:11

Ajaran o ade neak lem Bito Baik de penyebaranne cenayo ngen uku, adeba Bito Baik kunei Allah de agung ngen patut nujai.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

1 TIMOTIUS 6:20

Hoi Timotius, jenagoba jano de sudo cayo ngen ko. Ne'uakba kecek-kecek de coa beguno ngen selisiak-selisiak tetang hal-hal de seca'o keliru de senbut “Pengetahuan”.

TITUS 1:3

Pado waktau de tepat, Allah melei janjaine o lem pesen-Ne. Pesen o bi senapei ngen uku, ngen uku melei namenne das periteak Allah Penyelamat ite.

YAKOBUS 3:1

Saudaro-saudaro! Jibeakba dau tun kunei udi de lok jijai guau. Udi namen ite de jijai guau bakea hukum temurut ukuran de lebiak benek kunei tun luyen.