LUKAS 12:33 - JANJAI BLAU Lem Bahaso Jang Bebilai

³³ Jenuoba kute hoknu ngen neleiba sedekeak! Meneaba bagiaknu dupet de coa dapet jijai tuai, do hok neak surgo de coa bakea abis, de coa dapet risau mokne ngen coa usak nembuk get.

LUKAS 12:33 Iomraidhean Croise

MATIUS 19:21

Nadeak Yesus ngensi, “Amen ko lok jijai sepurno, lalauba jenuo kute hoknu. Meleiba caci ngen tun peset, ngen ko bakea dapet harto neak surgo. Sesudo'o tekoba temotoa Uku!”

LUKAS 11:41

Tapi, neleiba isaine utuk sedekeak ngen sesungguakne kutene bakea jijai bersih utuknu.

LUKAS 12:21

Awei o kulo jijaine ngen tun de kemopoa hok bagiak diraine suang, amen si coa kayo neak adep Allah.”

LUKAS 16:9

Lajau Yesus miling igai, nadeak-Ne, “Ti'ukba! Pakeiba kayo dunio yo utuk dapet kuat, supayo amen kayo dunio yo sudo coa bego igai, udi bakea tenimo neak penan tinggea de abadi.

LUKAS 18:22

Temi'uk do'o Yesus madeak ngen si, “Masiak tinggea do hal igai de harus ko menea: Jenuoba kute de ko temuan ngen nagiakba do'o ngen tun-tun peset, mako ko bakea dapet hok neak surgo. Sesudo'o teko moi miyo ngen milimba Uku.”

YOHANES 12:6

Hal o de nadeak iso kerno si dulai tun-tun peset, tapi kerno si suang tukang maling; si galok mok caci de naik lem kas de negongne.

KISAH RASUL-RASUL 2:45

Bogoa ade kunei tobo'o de jemua hokne, lajau magiakne ngen kute tun sesuoi ngen perlune sesuang.

2 KORINTUS 8:2

Tobo'o bi cenubo ngen bebagoi derito, tapi neak tengeak-tengeak derito-derito o, tobo'o riang ngen kebiak mu'eak atei lem melei sumbangan utuk temulung tun luyen, kunyau tobo'o peset sekilai.