LUKAS 12:32 - JANJAI BLAU Lem Bahaso Jang Bebilai

³² “Jibeakba saben, hoi udi jumlahnu titik! Kerno Bapanu bi senang melei udi Kerajaan o.

LUKAS 12:32 Iomraidhean Croise

MATIUS 14:27

Tapi Yesus lajau jemawab, “Tenangba! Uku Yesus. Jibeak saben!”

MATIUS 20:16

Lajau Yesus madeak igai, “Awei yo kulo tun de kedong bakea jijai de pertamo, ngen de pertamo bakea jijai de kedong.”

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 7:15

“Atei-ateiba ngen nebai-nebai palsu. Tobo'o teko ngen udi awei domba, tapi tobo'o sebeneane awei srigala de teko utuk semrang udi.

LUKAS 10:21

Pado waktau o kulo beriangba Yesus lem Roh Allah ngen madeak, “Uku besyukur ngen-Kumu, Bapa, Tuhan lenget ngen bumai, kerno kutene o Ko munyin bagiak tun bijak ngen pacok, tapi Ko melei nyato ngen tun titik. Au Bapa, do'oba de semnang atei Bapa.

YOHANES 18:36

Jawab Yesus, “Kerajaan-Ku iso kunei dunio yo. Amen Kerajaan-Ku kunei dunio yo, paset pelayan-pelayan-Ku bi melawen, supayo Uku jibeak semreak ngen tun Yahudi. Tapi Kerajaan-Ku iso kunei dunio yo!”

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

KISAH RASUL-RASUL 20:29

Sesudo uku lalau, pasti bakea teko serigala-serigala de buas moi tengeak-tengeak udi. Tun-tun de udi jago o bakea jijai mangsa serigala-serigala o.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

FILIFI 2:13

kerno Allahba de kemerjo neak lem dirainu utuk menea udi rela ngen sanggup semnang atei Allah.

2 TESALONIKA 1:11

Do'oba sebabne keme bogoa bedu'o utuk udi. Keme bedu'o supayo Allah menea udi patas utuk idup temurut kelok-Ne; utuk do; oba Si menok udi. Semoga Allah, ngen kuaso-Ne, kemabul keloknu utuk menea baik, ngen jemijai sempurno kute kerjo de udi nea kerno pecayo ngen Kristus.

2 TESALONIKA 1:5

Do'o adeba bukti tetang adeane penghakiman Allah: Udi bi meding saro kerno Dunio Blau Allah, ngen kerno o udi bakea nanggap patas utuk masuk moi lem kerajaan Allah.

IBRANI 12:28

Kerno o, lok ba ite mucep mokasiak ngen Allah, karno ite temimo kunei Si sesuaktau kerajaan de coa dapet genuyang. Lokba ite mokasiak, beribadah ngen Allah. Hormat ngen saben, temurut ca'o de kenlok-Ne suang.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

2 PETRUS 1:11

Ngen awei yo udi bakea nelei hok penuak utuk masuk Kerajaan de kekal kunei Tuhan ngen Rajo Penyelamat ite Yesus Kristus.

WAHYU 1:6

ngen jemijai ite bangso khusus imem-imem, de melayan Allah, Bapa-Ne. Yesus Kristus o ba de agung ngen bekuaso utuk selamo-lamone. Amin!

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.