LUKAS 12:19 - JANJAI BLAU Lem Bahaso Jang Bebilai

¹⁹ Sesudo'o uku bakea madeak ngen diraiku suang, ko ade dau barang, tetimbun utuk beta'un-ta'un anne; istirahatba, mukmeiba, menemba ngen beriang-riangba!’

LUKAS 12:19 Iomraidhean Croise

LUKAS 12:18

Lajau nadeakne: ‘Uku bakea melu'at tuoa-tuoaku ngen uku bakea temje de lebiak lai ngen uku bakea ma'ik neak lemne kute gelpung ngen barang-barangku.

LUKAS 16:19

“Adeba suang de kayo. Bajaune la'ang gone, ngen tiep bilai idupne mewah.

LUKAS 21:34

“Jagoba dirainu, jibeak sapei udi kembiak sibuk bepesta ngen mabuk menem, atau kembiak meker soal-soal idupnu, sehinggo udi coa siap ketiko bilai o teko ngen tetibo.

1 KORINTUS 15:32

Amen do'o cuma kunei manusio bae, jano utungne bagiak uku utuk bejuang awei mlawan benatang-benatang buas neak kota yo, neak Efesus? Amen memang tun matei coa nidup igai, lebiak baik ite temotoa pribahasa yo, “Maro ite embuk, menem ngen beriang, sebab men ite bakea matei.”

FILIFI 3:19

Idup tun-tun awei o bakea berakhir ngen kehancuran, sebab Tuhan tobo'o adeba tenei tobo'o, kemulioan tobo'o adeba aib tobo'o, pekeran tobo'o cuma ngen perkaro duniawi.

1 TIMOTIUS 5:6

Tapi rando de bi idup senang-senang, bi matei kunyau si masiak idup.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

2 TIMOTIUS 3:4

Tobo'o galok berhianat, ombong ngen coa peker panjang. Tobo'o lebiak galok temotoa hawo nafsu kunei pado temotoa Allah.

YAKOBUS 5:5

Udi bi idup mewah ngen foya-foya neak dunio yo. Udi bi nea ateinu puas serai awei pado bilai penyembelihan.

1 PETRUS 4:3

Pado maso de sudo, udi sudo cukup an menea jano de galok nea tun-tun de coa kemnal Tuhan. Udi idup coa baik. Udi temurut hawa nafsu, memabuk, pesta fora, memenem ngen sembeak berhala seca'o janjing.

WAHYU 18:7

Neleiba ngen si sikso ngen duko cito de serai daune ngen kemulioan ngen kemewahan de neleine ngen diraine su'ang. Sebab si bogoa madeak ngen diraine, ‘Uku yo ratu de meriteak! Uku iso jando; uku coa bakea meding ibo!’