LUKAS 11:26 - JANJAI BLAU Lem Bahaso Jang Bebilai

²⁶ Lajau si keluea ngen majok tujuak roh luyen de lebiak kidek kunei padone, ngen tobo'o masuk seca'o dediem neak di. Mako akhirne keadaan tun o lebiak kidek kunei pado keadaanne semulo.”

LUKAS 11:26 Iomraidhean Croise

MATIUS 12:45

Lajau si lalau mbin tujuak roh luyen de lebiak jahat kunei si. Sudo'o tobo'o moi lem tun'o, lajau tinggea neak di. Ngen akhirne tun'o jijai lebiak kidek kunei semulo. Do'o kulo de bakea tejijai ngen tun-tun jahat zaman uyo.”

MATIUS 23:15

Celakoba udi gu'au-gu'au agamo ngen tun-tun Farisi! Udi tun-tun munafik! Udi lalau uak-uak nyebe'ang laut ngen mejelajah da'et cuma utuk menea do tun masuk agamonu. Sesudo tun masuk agamonu, udi menea si calon nerako de duai kilai lebiak jahat kunei udi dewek!

LUKAS 11:25

Mako lalauba si ngen temau umeak o bersih ngen tatur.

LUKAS 11:27

Sesudo Yesus madeak awei o, suang selawei kunei antaro tun dau o madeak ngen Yesus, “Sungguak bahagia selawei de melaher ngen melei susu ngen Ko!”

YOHANES 5:14

Sesudo o Yesus temau ngen si lem Bait Allah lajau madeak ngen si, “Tinget udi bi ka'en. Jibeak menea duso igai, supayo jibeak terjijai de lebiak kidek igai ngen udi.”

1 YOHANES 5:16

Amen udi kemliak saleak su'ang saudarone menea duso de coa sembab tun o nyep idup sejati ngen kekal, lokba udi bedu'o ngen Allah; ngen Allah melei idup o ngen si, adeba tobo'o de menea duso de coa jijai maut. Tapi ade duso de menea tun nyep idup o. Tetang hal o uku coa madeak bahwo udi harus bedu'o ngen Allah