LUKAS 11:13 - JANJAI BLAU Lem Bahaso Jang Bebilai

¹³ Jijai amen udi de jahat namen melei pelei de baik ngen anok-anoknu. Jano igai Bapanu de neak surgo! Si bakea melei Roh Sucai ngen tobo'o de minoi ngen-Si.”

LUKAS 11:13 Iomraidhean Croise

MATIUS 5:16

Awei'o kulo seharusne te'angnu becayo neak muko tun, supayo tun'o kemliak plepnu de baik ngen mujai Allah de adeba Baknu neak surgo.”

MATIUS 5:45

supayo udi jijai anok-anok Baknu neak surgo. Sebab Allah sinea matai bilai utuk tun de jahat ngen tun baik, Allah kulo temu'un ujen utuk de benea ngen tun de jahat kulo.

MATIUS 6:14

Amen udi mapun tun besaleak ngen ko, Baknu neak surgo bakea mapun udi kulo.

MATIUS 6:30

Dukut neak imbo temuak tapi men nemben abis, tapi Allah merias dukut'o kembiak baes. Jano igai udi! Tapi udi coa pecayo!

MATIUS 6:32

Hal-hal'oba de mesoa tun-tun de kemnal Allah. Tapi Baknu de neak Surgo namen, amen udi perlu kutene'o.

MATIUS 7:11

Amen udi de jahat, namen melei de baik ngen anok-anoknu. Jano igai Baknu neak surgo! Si bakea melei de baik ngen tobo'o de minoi ngen-Si.

LUKAS 11:12

Atau, amen si minoi tenoa, bakea nelei kalo?

LUKAS 11:2

Jawab Yesus ngen tobo'o, “Amen udi bedu'o, nadeakba: ‘Bapa, senucaiba gen-Nu; tekoba Kerajaan-Nu.

LUKAS 18:7

Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o!

YOHANES 4:10

Jawab Yesus ngen si, “Amen ko namen tetang karunio Allah ngen api Si de madeak ngen ko, ‘Melei ba Uku menem!’ Paset ko bi minoi ngen-Si ngen Si bi melei ngen ko bioa idup.”

KISAH RASUL-RASUL 2:38

Petrus jemawab, “Tobatba kunei duso-dusonu. Lokba tetiep udi baptis das gen Yesus Kristus, supayo duso-dusonu napun. Mako udi bakea temimo hadiah Roh Sucai kunei Allah.

ROMA 5:17

Sebab, amen kerno duso do tun, maut bi be kuaso kerno do tun o, mako lebiak benea igai tobo'o, de sudo temimo kelimpahan kasih karunia ngen anugrah kebenaran, bakea idup ngen bekuaso kerno do tun o, adeba Yesus Kristus.

ROMA 7:18

Sebab uku namen, bahwo neak lem uku, adeba neak lem uku sebagai manusio, coa ade sesuaktau de baik. Sebab kelok memang ade neak lem uku, tapi iso hal menea jano de baik.

ROMA 8:32

Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si?

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.