LUKAS 10:2 - JANJAI BLAU Lem Bahaso Jang Bebilai

² “Asea de bakea kentem dau,” nadeak-Ne magea tobo'o, “tapi pekerjo utuk ngetemne cuma didik. Sebab o, minoiba magea Temuan kebun supayo Si mbo pekerjo utuk ngetem asea tanem-Ne.

LUKAS 10:2 Iomraidhean Croise

MATIUS 20:1

“Amen Allah meriteak keadaanne awei perumpamo yo: Suang tun temuan kebun anggur, keluea pado pueng-pueng mesoa tun utuk kerjo neak kebun anggurne.

MARKUS 13:34

Keadaanne awei suang de lalau, de teminggea umeakne ngen semrak tanggung jawab ngen pelayan-pelayanne. Masing-masing ngen tugasne, ngen periteak penjago bang supayo berjago-jago.

MARKUS 16:15

Lajau Si madeak ngen tobo'o, “Lalauba moi kute dunio melei namenba Bito Baik ngen kute makluk.

MARKUS 16:20

Tobo'o kulo lalau melei namen Bito Baik moi kute penjuru, ngen Tuhan milem kerjo ngen kemukuak firman o ngen tando-tando de semertone.] [

LUKAS 9:1

Yesus menok keduai belas murid-Ne, lajau melei ngen tobo'o kuaso utuk musir roh kidek ngen kema'en olon.

KISAH RASUL-RASUL 11:19

Sementaro'o dau tun de tesebea kerno penganiayaan de timboa sesudoh Stefanus matei. Tobo'o tesebea sapei moi Fenisia, Siprus ngen Antiokhia; tapi tobo'o melei namen Bito Baik ngen tun Yahudi bae.

KISAH RASUL-RASUL 13:2

Pado suaktau bilai waktau tobo'o semyang ngen puaso, madeakba Roh Sucai, “Miliakba Barnabas ngen Saulus khusus utuk-Ku utuk tugas de sudo Uku tentau utuk tobo'o.”

KISAH RASUL-RASUL 13:4

Kerno nelueak Roh Sucai, Barnabas ngen Saulus berakat moi Seleukia, kunei di tobo'o belayea moi puleu Siprus.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

KISAH RASUL-RASUL 22:21

Tapi Tuhan madeak ngen uku: ‘Lalauba, sebab Uku bakea mutus ko uak kunei yo ngen bangso-bangso luyen.’ ”

KISAH RASUL-RASUL 8:4

Tun-tun pecayo de sudo tesebea o melei namen Bito Baik kunei Allah o moi ipe-ipe.

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

FILIFI 2:21

Kute de luyenne cuma mesoa kepentinganne suang, iso kepentingan Kristus Yesus.

FILIFI 2:25

Tetang saudaro ite Epafroditus de udi mbo utuk temulung uku, uku meraso perlu utuk meluak si belek igai ngen udi. Si bi kemuat uku lem kerjo ngen bejuangan.

FILIFI 2:30

Utuk kepentingan kerjo Kristus, si gesea matei; si temuak nyabaine utuk melei petulung ngen uku das gennu.

KOLOSE 1:29

Utuk dapet hal o uku kerjo keras. Uku berjuang ngen kute tenago de nelei Kristus ngen uku, de bekerjo lem diraiku ngen penuak kuaso.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 TESALONIKA 5:12

Saudaro-saudaro, keme minoi nien supayo udi hormat ngen tobo'o de kerjo neak tengeak-tengeak udi; adeba tobo'o de niliak Tuhan utuk mipin ngen melei nasehat ngen udi.

2 TESALONIKA 3:1

Selanjutne, Saudaro-saudaro, bedu'oba utuk keme. Bedu'oba supayo bito kunei Tuhan dapet terus tesebea ngen gacang ngen tenimo ngen baik, serai awei de sudo tejijai ngen udi bel'o.

1 TIMOTIUS 4:10

Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

2 TIMOTIUS 4:5

Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.

FILEMON 1:1

Saudaro Filemon, kuat keme! Uku, Paulus, suang tahanan kerno Kristus Yesus, besamo ngen saudaro ite Timotius, temulis su'et yo ngen ko

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

WAHYU 2:1

“Ngen malaikat jemaat neak Efesus, tulisba awei yo: Dioba pesen kunei Si de megong ketujuak bitang pado tangen kanen-Ne, ngen paneu neak antaro ketujuak kekea lapu mas o.