LUKAS 10:16 - JANJAI BLAU Lem Bahaso Jang Bebilai

¹⁶ Lajau Yesus madeak ngen penotoa-penotoa-Ne, “Tun de temi'uk udi, temi'uk Uku. Tun de temulok udi, temulok Uku. Ngen tun de temulok Uku, kulo temulok Si de mbo Uku.”

LUKAS 10:16 Iomraidhean Croise

MATIUS 10:40

“Tun de temimo udi temimo Uku, ngen tun de temimo de mutusku, Uku temimo Si.

MATIUS 18:5

Ngen tun de temimo anok de awei yo kerno Uku, taine temimo Uku.”

MARKUS 9:37

“Api semambut su'ang anok awei yo lem gen-Ku, si semambut Uku. Ngen api semambut Uku, iso Uku de senambutne, tapi Si de mutus Uku.”

LUKAS 9:48

Lajau Si madeak ngen murid-murid-Ne, “Tun de temimo anok yo kerno Uku, taine temimo Uku. Ngen tun de temimo Uku, temimo Si de mutus Uku. Sebab tun de titik neak antaro udi, siba de paling lai!”

YOHANES 12:44

Lajau Yesus menggang, “Api bae de pecayo ngen Uku, si iso pecayo ngen Uku, tapi ngen Si de sudo mutus Uku.

YOHANES 12:48

Api bae de coa temimo Uku, ngen coa temimo kecek-Ku, bi ade de mukumne. Adeba firman de bakea mukumne pado Bilai Kiamat.

YOHANES 13:20

Sesungguakne Uku madeak ngen udi: Api bae de temimo tun de nutus-Ku, si temimo Uku, si temimone de mutus Uku.”

KISAH RASUL-RASUL 5:4

Seke'an taneak o coa jenuoa, iso si do'o tep ko temuan, sesudo jenuoa, iso aseane o tep lem kuaso nu? Getai ko merencano plep o lem atei nu? Ko iso mike manusio, tapi mike Allah.”

GALATIA 4:14

Pado waktau o udi coa meraso janjing te'adep uku, kunyau keadaan awokku adeba cobaan bagiak udi. Tapi udi temimo uku awei temimo malaikat Allah atau awei temimo Kristus Yesus suang.

1 TESALONIKA 4:8

Tun de temulok ajaran iyo, iso temulok manusio, meluyen temulok Allah de melei Roh-Ne de sucai ngen udi.