LUKAS 10:15 - JANJAI BLAU Lem Bahaso Jang Bebilai

¹⁵ Ngen udi, Kapernaum! Ko meker, udi bakea nelekat sapei moi surgo? Coa, udi bakea tenu'un sapei moi dunio tun matei!”

LUKAS 10:15 Iomraidhean Croise

MATIUS 10:28

Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako.

MATIUS 11:23

Ngen ko Kapernaum! Jano ko bakea nlekat sapei moi surgo? Coa! Malah ko bakea nuang moi nerako! Sebab seandaine mujizat-mujizat de nea neak antaronu'o sudo nea neak Sodom, Sodom'o masiak ade sapei uyo!

MATIUS 4:13

Li lalau kunei kota Nazaret, lajau tinggea neak kota Kapernaun neak biding Daneu Galilea daerah Zebulon ngen Naftali.

LUKAS 13:28

Pado waktau udi kemliak Abraham, Ishak ngen Yakub serto kute nebai beriang neak lem Dunio blau Allah, udi bakea ngindoi ngen saro kerno udi suang nusir moi luea!

LUKAS 16:23

Neak dunio tun matei si kembiak derito sekilai. Ngen pado waktau si demnong kunei di moi das, si kemliak Abraham neak penan de uak ngen Lazarus ade neak depeak Abraham.

2 PETRUS 2:4

Sebab amen Allah coa semayang malaikat-malaikat de menea duso tapi meting tobo'o moi lem nerako ngen awei yo semreakne moi lem guo-guo de kelem utuk maik tobo'o sapei Bilai Penghakiman.