LUKAS 1:22 - JANJAI BLAU Lem Bahaso Jang Bebilai

²² Ketiko si keluea, si coa dapet miling ngen tobo'o ngen ngertaiba tobo'o, bahwo si bi kemliak do pengeliak neak lem Umeak Tuhan.

LUKAS 1:22 Iomraidhean Croise

LUKAS 1:21

Sementaro o tun dau mbot Zakharia. Tobo'o jijai sele, bahwo si kembiak an ade lem Umeak Tuhan.

LUKAS 1:23

Lajau Zakharia melei tando ngen tobo'o, sebab si tep bisau. Ketiko selsei maso pelayananne, si belek moi umeak.

LUKAS 1:62

Lajau tobo'o melei tando ngen bakne utuk temnai gen jano de lok nelei ngen anokne o.

YOHANES 13:24

Simon Petrus melei isyarat ngen penotoa-penotoa'o supayo si betanye ngen Yesus api de maksudne.

KISAH RASUL-RASUL 12:17

Tapi Petrus melei isyarat ngen tangenne, supayo tobo'o diem, lajau si cemrito awei ipe Tuhan mbinmoi luea kunei sel. Nadeakne, “Melei namenba hal yo ngen Yakobus ngen pasuak-pasuak te.” Lajau si keluea, lalau moi penan luyen.

KISAH RASUL-RASUL 19:33

Lajau suang tun genne Aleksander tenulok moi muko tun-tun Yahudi. Si dapet keterangan kunei tun dau tetang jano detejijai. Segro si melei isyarat ngen tangenne, lok melei penjelasan sebagoi pembelaan neak adep rakyat'o.

KISAH RASUL-RASUL 21:40

Sesudo Paulus neluak pemipin pasukan, lalauba si je neak ndea, si melei isyarat ngentangenne moi tun dau o. Ketiko bi aman, muloiba si miling ngen tobo'o lem bahaso Ibrani, nadeakne,