IBRANI 8:2 - JANJAI BLAU Lem Bahaso Jang Bebilai

² Si kemerjo tugas sebagai Imem Lai neak Ruang Mahasucai, adeba neak lem Kemah Tuhan de sejati, de nea Tuhan, iso manusio.

IBRANI 8:2 Iomraidhean Croise

LUKAS 24:44

Si madeak ngen tobo'o, “Dioba padeak-Ku, de bi Kunadeak ngen udi ketiko Uku masiak sesamo ngen udi, adeba bahwo arus genep kute de ade tetulis tetang Uku lem kiteb Taurat Musa ngen kiteb nebai-nebai ngen kiteb Mazmur.”

ROMA 15:8

Sebab, tingetba, bahwo Kristus sudo mlayani tun Yahudi utuk melei namen bahwo Allah setia lem tempat janjai-Ne ngen ninik puyang ite.

2 KORINTUS 5:1

Kerno keme namen bahwo amen umeak – adeba awok – penan ite diem neak bumai nukea, Allah bakea semiap do umeak neak surgo bagiak ite, do penan de kekal, de iso nea tangen manusio.

KOLOSE 2:11

Kerno jijai do ngen Kristus, udi bi senunat, iso sunat de nea manusio, meluyen ngen sunat de nea Kristus, de mbebas udi kunei duso.

IBRANI 10:11

Tiep imem Yahudi maneu tugasne sebagai imem tiep-tiep bilai, cet si melei kurban-kurban de serai. Tapi kurban-kurban o samo sekilai coa dapet mapus duso.

IBRANI 10:21

Ngen uyo ite temuan suang imem de agung, de betanggung jawab das Umeak Allah.

IBRANI 11:10

Sebab Abraham gidong mbot kota de rencano ngen nea Allah ngen pondasi de kuet.

IBRANI 9:1

Janjai de pertamo temuan peraturan-peraturan ibadah, ngen temuan kulo penan ibadah nea manusio.

WAHYU 21:3

Lajau uku temi'uk sa'ei de kembiak lek kunei takhta o madeak, “Uyo penan tinggea Allah adeba besamo-samo ngen manusio! Si bakea idup ngen tobo'o, ngen tobo'o bakea jijai umat-Ne. Allah suang bakea ade ngen tobo'o ngen jijai Allah tobo'o.