IBRANI 8:10 - JANJAI BLAU Lem Bahaso Jang Bebilai

¹⁰ Tapi uyo, dioba janjai de bakea Uku nea ngen umat Israel pado bilai-bilai de bakea teko, nadeak Tuhan: Uku bakea mpek hukum-Ku moi lem pekeran tobo'o, ngen temulisne neak atei tobo'o. Uku bakea jijai Allah tobo'o, ngen tobo'o bakea jijai umat-Ku.

IBRANI 8:10 Iomraidhean Croise

MATIUS 22:32

‘Ukuba Allah Abraham, Allah Ishak ngen Allah Yakub.’ Allah'o coa Allah tun matei. Si Allah tun idup!”

ROMA 11:27

Ngen dioba janjai-Ku ngen tobo'o, amen Uku mapus duso tobo'o.”

1 KORINTUS 6:16

Atau mukin udi ati namen bahwo tun de capua ngen selawei nakea, jijai do ngen selawei nakea o! Sebab lem Kiteb Sucai tetulis, “Keduaine jijai do.”

2 KORINTUS 3:3

Tobo'o suang dapet kemliak bahwo Saudaro adeba su'et de tenulis Kristus, de mbo liwet keme. Su'et o tenulis iso ngen dawat, tapi ngen Roh Allah de idup; iso kulo neak das butau tulis, tapi neak lem atei manusio.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 11:16

Tapi nyatone, tobo'o indau debuak negrai de lebiak baik, negrai de neak surgo. Do'oba sebabne Allah coa selek amen tobo'o sembut Si Allah tobo'o, sebab Allah sudo sendio debuak kota utuk tobo'o.

YAKOBUS 1:18

Das kelok-Ne su'ang Si jemijai ite anok-anok-Ne liwet Firman-Ne de benea. Si menea o supayo ite dapet penan de utamo neak antaro kute makhluk ciptaan-Ne.

YAKOBUS 1:21

Sebab o, nuangba tiep kebiasaan de coa baik ngen kidek. Temimoba ngen rendeak atei firman de nea Allah neak lem ateinu, sebab firman o temuan kekuatan utuk semlamat udi.

1 PETRUS 1:23

Sebab liwet Firman Allah de idup ngen de kekal o, udi sudo jenijai manusio belau de iso laher kunei manusio, meluyen kunei Bapa de kekal.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.