IBRANI 4:2 - JANJAI BLAU Lem Bahaso Jang Bebilai

² Kerno Bito Baik o bi nelei namen ngen ite serai ngen tobo'o. Tapi ngen tobo'o, bito o coa de gunone. Kerno ketiko tobo'o temi'ukne, tobo'o coa pecayo.

IBRANI 4:2 Iomraidhean Croise

KISAH RASUL-RASUL 13:46

Tapi ngen lebiak binai Paulus ngen Barnabas madeak, “Memang ngen udiba firman Allah harus nelei namen lebiak dute, tapi udi temulokne ngen manggep dirainu coa patas utuk dapet idup de kekal. Kerno'o keme moi ngen bangso-bangso luyen.

KISAH RASUL-RASUL 3:26

Do'o sebabne Allah miliak Hambo-Ne, lajau meluak Si teko ngen udi lebiak dute, supayo Si berkat udi. Ca'one Si berkat adeba ngen menea pasuak-pasuak kute betobat kunei ca'o idupnu de kidek.”

ROMA 2:25

Sunat memang ade gunone, amen ko taat ngen hukum agamo Yahudi, tapi amen ko melangea hukum agamo Yahudi, mako sunatnu coa de gunone.

ROMA 3:3

Jijai awei ipe, amen neak ataro tobo'o ade de coa setia, jano kerno o Allah jijai coa setia?

1 KORINTUS 13:3

Kunyau kute de uku temuan, uku semdekeak ngen tun peset, ngen uku semreak diraiku utuk nembem, tapi uku coa kemasiak tun-tun luyen, mako kutene o coa ade gunone samo sekilai.

GALATIA 3:2

Cuma dio de lok uku namen kunei udi: Jano udi bi temimo Roh kerno kemerjo hukum agamo atau kerno pecayo ngen Kristus?

GALATIA 3:8

Kiteb Sucai bi kemliak lebiak dute bahwo Allah yakin amen tun-tun iso Yahudi baik igai ngen Allah, amen tobo'o pecayo ngen Allah. Bito Baik o nelei namen lebiak dute ngen Abraham lem janjaine, “Liwet ko, Allah bakea memberkati kute umat manusio neak das bumai.”

GALATIA 4:13

Udi paset masiak tinget jano sebabne uku pado mulone melei namen Bito Baik o ngen udi. Sebabne adeba uku bolon.

1 TESALONIKA 1:5

Sebab keme semapei Bito Baik ngen udi iso ngen kecek-kecek bae, tapi kulo ngen kuaso Roh Allah. Ngen keme yakin sekilai ngen kebenaran Bito Baik o. Udi namen awei ipe keme idup utuk kepetingannu ketiko keme ade neak tengeak-tengeak udi.

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

1 TIMOTIUS 4:8

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

IBRANI 11:6

Coa ade imen, coa suang kulo dapet semnang atei Allah. Sebab tun de teko ngen Allah harus pecayo bahwo Allah ade, ngen bahwo Allah melei bales ngen tun de mesoa-Ne.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 4:6

Jijai tobo'o de pertamo-tamo temi'uk bito tetang Bito Baik o, coa temimo istirahat o kerno tobo'o coa pecayo. Amen awei o bi jelas bahwo ade tun-tun luyen de buliak temimo istirahat o.

YAKOBUS 1:21

Sebab o, nuangba tiep kebiasaan de coa baik ngen kidek. Temimoba ngen rendeak atei firman de nea Allah neak lem ateinu, sebab firman o temuan kekuatan utuk semlamat udi.

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.