IBRANI 3:1 - JANJAI BLAU Lem Bahaso Jang Bebilai

¹ Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 3:1 Iomraidhean Croise

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

YOHANES 20:21

Lajau nadeak Yesus debat igai, “Damoi sejahtera utuk udi! Serai awei Bapa mutus Uku, awei o kulo uyo Uku mutus ko.”

YOHANES 20:27

Sesudo'o Si madeak ngen tomas, “Kemliakba ji'ainu neak yo ngen kemliakba tangen-Ku, muluaba tangennu ngen mpekba moi lambung-Ku ngen jibeak ko coa pecayo igai, tapi pecayoba!”

KISAH RASUL-RASUL 1:15

Sewaktau bilai o je ba Petrus neak tengeak-tengeak tun-tun do imen gidong bekopoa o, kekiro sotos duai puluak tun dau ne, lajau madeak,

ROMA 11:17

Kerno o amen kekedau dan bi natiak ngen udi sebagai sping bi cenakuk neak antarone ngen dapet bagian lem balet pun zaitun de penuak geteak,

ROMA 15:27

Ngen riang atei tobo'o mutus utuk menea o. Memang sebeneane tobo'o patut temulung saudaro-saudaro de peset neak Yerusalem o; sebab kunei tun-tun Yahudiba tun-tun iso Yahudi o bi temimo berkat-berkat kunei Allah. Jijai, tun-tun iso Yahudi o patut kulo temulung tun-tun Yahudi ngen berkat-berkat de ade ngen tobo'o.

ROMA 15:8

Sebab, tingetba, bahwo Kristus sudo mlayani tun Yahudi utuk melei namen bahwo Allah setia lem tempat janjai-Ne ngen ninik puyang ite.

ROMA 9:24

adeba ite, de sudo nok-Ne iso cuma kunei antaro tun Yahudi, tapi kulo kunei antaro bangso-bangso luyen.

1 KORINTUS 10:17

Kerno cuma ade do ruti, ngen ite kute embuk kunei ruti de do o, mako ite kutene yo adeba do awok.

1 KORINTUS 9:23

Kute o uku nea Bito Baik kunei Allah o, supayo uku kulo dapet berkat.

2 KORINTUS 1:7

Keme yakin ngen coa perneak ragau tetang Saudaro, sebab keme namen bahwo udi milau saro ngen keme. Kerno o udi kulo kenuet besamo-samo keme.

2 KORINTUS 9:13

Ngen kunei kebaikan de udi kemten o, dau tun Kristen neak Yudea bakea mujai Allah kerno tobo'o kemliak kesetiannu teadep Bito Baik tetang Kristus de udi totoa o. Kulo, tobo'o mujai Allah, kerno udi kebiak mue'ak atei utuk magiak ngen tobo'o ngen kute tun jano de ade ngen udi.

EFESUS 3:6

Resio o adeba: Liwet Bito Baik o, tun iso Yahudi milau jijai ahli-ahli waris ngen anggota-anggota awok ngen milau temimo jano de jenanjai Allah liwet Kristus Yesus.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

EFESUS 4:4

Cuma ade do awok, ngen do Roh. Awei o kulo udi nok utuk do harapan de serai.

FILIFI 3:14

Do'o sebabne uku melilai terus sapei moi tujuan akhir utuk dapet kemenangan, adeba idup neak surgo; utuk do'oba Allah menok ite liwet Kristus Yesus.

KOLOSE 1:12

ngen mucep syukur ngen sukocito ngen Bapa. Sebab Bapa do'oba de menea udi patas temimo jano de seniap Allah utuk umat-Ne neak lem kerajaan-Ne de te'ang.

KOLOSE 1:22

Tapi uyo, ngen kematian Anok-Ne, Allah menea hubungan udi ngen Si jijai baik igai. Ngen ca'o do'o udi dapet nemin madep Allah lem keadaan sucai, murni ngen coa de cacet.

KOLOSE 3:12

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

1 TESALONIKA 5:27

Das kuaso Tuhan, uku minoi nien supayo udi mbaco su'et yo ngen kute Saudaro do imen.

2 TESALONIKA 1:11

Do'oba sebabne keme bogoa bedu'o utuk udi. Keme bedu'o supayo Allah menea udi patas utuk idup temurut kelok-Ne; utuk do; oba Si menok udi. Semoga Allah, ngen kuaso-Ne, kemabul keloknu utuk menea baik, ngen jemijai sempurno kute kerjo de udi nea kerno pecayo ngen Kristus.

2 TESALONIKA 2:14

Utuk do'oba Allah menok udi liwet Bito Baik de keme melei namen ngen udi. Allah menok udi, kerno Si lok supayo udi milau meding kemuliaan Tuhan ite Yesus Kristus.

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

1 TIMOTIUS 6:2

Hamba-hamba de tuanne tun Kristen, coa buliak manggap remeh tuanne kerno tobo'o samo-samo tun Kristen. Malah tobo'o seharusne melayan tuan tobo'o ngen lebiak baik igai, sebab tuan de nelayan ngen baik o adeba samo-samo tun pecayo de dikasihi. Najeaba ngen meleiba nasihat kutene o.

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

2 TIMOTIUS 2:7

Perhatikanba jano de uku madeak o, sebab Tuhan bakea melei ngen ko kesanggupan utuk ngertai kutene.

IBRANI 10:19

Nah, Saudaro-saudaro, kerno mateine Yesus o ite uyo binai masuk Ruang Mahasucai.

IBRANI 10:21

Ngen uyo ite temuan suang imem de agung, de betanggung jawab das Umeak Allah.

IBRANI 10:23

Lokba ite bepegong teguh ngen harapan de ite pecayo, sebab Allah dapet cenayo ngen Si bakea tempat janjai-Ne.

IBRANI 13:22

Uku minoi supayo udi temi'uk nasihat-nasihat uku yo ngen sabar, sebab su'et yo coa kembiak panjang.

IBRANI 2:11

Yesus semucai manusio kunei duso-duso tobo'o; Si de semucai, serto tobo'o de senucai o, samo-samo temuan do Bapa. Do'oba sebabne Yesus coa selek makau tobo'o sebagai saudaro-saudarone.

IBRANI 2:17

Dio taine bahwo Si harus jijai serai ngen saudaro-saudaro-Ne lem kute hal. Ngen o Si dapet jijai Imem Lai de setia ngen penuak kasiak. Ngen pelayanan-Ne o duso manusio dapet napun.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

IBRANI 6:20

Yesus bi meretes dalen moi penan o utuk ite, ngen bi masuk moi mindi jijai Imem Lai ite utuk selamo-lamone, awei Imem Melkisedek.

IBRANI 7:26

Jijai, Yesus do'oba Imem Lai de ite perlu. Si sucai; ngen-Si coa ade saleak atau duso jano bae. Si cen'ei kunei tun-tun beduso, ngen naket sapei moi penan de lebiak lekat kunei kute lenget.

IBRANI 7:28

Hukum agamo Yahudi maket tun de coa sempurno jijai Imem Lai. Tapi sesudo'o kunei hukum o, Allah menea janjai ngen supeak bahwo Si maket sebagai Imem Lai, Anok de sudo jenijai Penyelamat de sempurno utuk selamo-lamone.

IBRANI 9:11

Tapi Kristus bi teko sebagai Imem Lai kunei hal-hal de baik de sudo ade. Kemah Tuhan neak ipe Si kemerjo tugas-Ne sebagai Imem Lai adeba kemah de lebiak agung ngen lebiak sempurna. Do'o iso nea manusio; taine iso kunei dunio de nea uyo.

IBRANI 9:15

Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

1 PETRUS 3:5

Ngen ca'o dioba pado zaman bel'o selawei-selawei beragamo de ma'ep ngen Allah mempercantik dirai ngen ca'o hormat ngen maten tobo'o.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

1 YOHANES 1:3

Jano de sudo keme kemliak ngen temi'uk, do'oba kulo de keme melei namen ngen udi, supayo udi ngen keme besamo-samo idup jijai do ngen Bapa ngen Anok-Ne Yesus Kristus.

YUDAS 1:1

Saudaro-saudaro de sudo nok ngen de kembiak Allah Bapa kasihi, serto jenagai utuk Yesus Kristus. Sebagai hamba Yesus Kristus, uku – Yudas – saudaro kunei Yakobus,

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 18:20

Hai surgo, riangba das ajuane kota o! Hai umat Allah, rasul-rasul, ngen nebai-nebai, riang ba! Sebab Allah sudo mukum si sebagai pembalasan das jano de neane teadep udi!