IBRANI 2:3 - JANJAI BLAU Lem Bahaso Jang Bebilai

³ Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

IBRANI 2:3 Iomraidhean Croise

MATIUS 23:33

Udi jahat ngen udi kulo anok tun jahat! Awei ipe udi dapet semlamat dirai kunei hukuman neak nerako?

MATIUS 4:17

Muloi waktau'o Yesus semapei pesen yo, “Be tobatba kunei duso-dusonu, kerno Allah bakea segro meriteak jijai Rajo!”

MARKUS 1:14

Sesudo Yohanes tenakep tekoba Yesus moi Galilea semiar Bito Baik kunei Allah.

LUKAS 1:2

Tobo'o semapeine ngen ite. Tobo'o kunei semulo adeba saksai matai ngen pelayan Firman.

LUKAS 1:69

Si melei ite penyelamat de kuet, royot Daud hamba-Ne o.

LUKAS 24:19

Nadeak-Ne ngen tobo'o, “Jano do'o.” Lajau jawab tobo'o, “Yesus tun Nazaret. Si adeba suang nebai, de bekuaso lem kerjo ngen kecek neak adep Allah ngen neak muko kute bangso keme.

YOHANES 15:27

Tapi udi kulo arus saksai, kerno udi kunei dutene sesamo ngen Uku.

KISAH RASUL-RASUL 1:22

adeba muloi kunei baptisan Yohanes sapei bilai Yesus taket moi surgo teminggea keme, utuk jijai saksai ngen keme tetang Si idup igai.”

KISAH RASUL-RASUL 2:22

Hoi tun-tun Israel! Temi'ukba kecek yo: Yesus kunei Nazaret adeba tun de sudo tentau Allah ngen dinyatakan ngen ko. Ngen kekuatan-kekuatan ngen mujizat ngen tando-tando ajaib de menea Allah liwet Si. Neak tengeak-tengeak ko, awei de ko namen.

KISAH RASUL-RASUL 4:12

Coa ade keselamatan neak lem api bae kulo seluyen neak lem Si, sebab neak beak lenget yo coa ade gen luyen di nelei ngen manusio de kunei Yesus ite dapet selamat.”

ROMA 11:14

Uku ma'ep tun-tun do bangsoku bakea kidek atei sehinggo ngen awei yo pa'ok kunei tobo'o dapet selamat.

ROMA 2:3

Ngen ko, saudaro-saudaro, ko lok mukum tobo'o de menea awei o, tapi ko suang meneane kulo, jano ko peker bahwo ko bakea bebas kunei hukuman Allah?

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 TESALONIKA 5:3

Amen tun madeak, “Kutene aman ngen tentram,” mako pado waktau o ba tetibo tobo'o bakea ditimpa kebinasoan, ngen coa suang tun kulo dapet lolos. Hal o bakea tejijai tetibo, awei suang selawei meding gis waktau lok melaher.

1 TIMOTIUS 1:15

Kecek o benea ngen patut tenimo sepenuakne, “Kristus Yesus teko moi dunio yo utuk semlamat tun beduso.” Ngen neak antaro tobo'o ukuba de kembiak beduso.

TITUS 2:11

Sebab Allah bi kemten rahmat-Ne utuk semlamat kute umat manusio.

IBRANI 1:1

Pado jaman bel'o dau nien Allah miling ngen ninik puyang te liwet nebai-nebai ngen memecem ca'o.

IBRANI 1:14

Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

IBRANI 1:2

Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 4:1

Nah, janjai Allah masiak berlaku, ite bakea nelei istirahat de jenanjai-Ne. Jijai, lokba ite jemago supayo jibeak ade suang kulo kunei udi de coa meding istirahat de jenanjai o.

IBRANI 4:11

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

1 YOHANES 1:1

Isai su'et yo tetang firman de melei idup, adeba firman de sudo ade ayok mulone. Keme bi temi'ukne, kemliakne ngen matai keme su'ang. Keme bi kemliakne, bi megongne ngen tangen keme.

YUDAS 1:17

Tapi Saudaro-saudaroku de tecito, ingetba bakea jano de bel'o de nadeak rasul-rasul Tuhan ite Yesus Kristus.

WAHYU 7:10

Lajau ngen sa'ei lek tobo'o menggang, “Keselamatan ite tekone kunei Allah, de temot neak das takhta, ngen kunei Anok bebirai o!”