IBRANI 13:3 - JANJAI BLAU Lem Bahaso Jang Bebilai

³ Ingetba tun-tun de neak lem sel, seolah-olah udi ade neak lem sel besamo tobo'o. Ngen tun-tun de nea sekelokne bae, lokba udi inget ngen tobo'o seolah-olah udi kulo nea awei o.

IBRANI 13:3 Iomraidhean Croise

MATIUS 25:36

Uku coa keracok, udi melei keracok, Uku bolon, udi murus Uku, waktau neak sel udi temulung Uku.’

MATIUS 25:43

Uku suang tun asing, udi coa temimo Uku neak lem umeaknu. Uku coa keracok, udi coa melei Uku keracok. Uku bolon ngen neak sel, udi coa temulung Uku!’

KISAH RASUL-RASUL 24:23

Lajau si meluak perwira o tep temaen Paulus, tapi tahanan lengan, ngen coa buliak temgeak suang kulo kunei kekuatne melayan si.

KISAH RASUL-RASUL 27:3

Menne keme singgeak neak Sidon. Yulius melayan Paulus ngen baik sekilai, neluakne Paulus magea kekuatne, supayo tobo'o dapet melei keperluan Paulus.

ROMA 12:15

Beriang-riangba ngen tun de gidong riang, ngen ngindoiba ngen tun de gidong ngindoi!

1 KORINTUS 12:26

Amen do anggota saro, kute anggota luyenne saro kulo; amen do anggota nujai, kute anggota luyenne milau riang.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

KOLOSE 4:18

Salam kunei uku, Paulus. Uku suang de temulis bagian yo. Jibeak coa tinget bahwa uku masiak neak lem sel! Semoga Tuhan memberkati udi. Hormat keme, Paulus

IBRANI 10:34

ngen udi meding ibo tun de neak lem sel. Ketiko kute de udi temuan mok tun, udi temimo o ngen riang atei, sebab udi namen bahwo udi masiak temuan suaktau de lebiak baik, de bakea taen sekeanne.

IBRANI 11:37

Tobo'o neluk butau sapei matei, ade de notong ngen gesek, ngen ade de nunuak ngen pedang. Tobo'o meratau ngen kracok kunei babok bebirai atau babok kambing; tobo'o peset, ngen senikso.

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.