IBRANI 13:2 - JANJAI BLAU Lem Bahaso Jang Bebilai

² Jibeak segan temimo neak umeaknu tun-tun de ati udi kenal. Sebab ngen menea de awei o, perneak tun, coa sadar, bi temimo malaikat neak umeakne.

IBRANI 13:2 Iomraidhean Croise

MATIUS 25:35

Sebab waktau Uku nyemen, udi melei kembuk, ngen Uku aus udi melei bioa. Uku suang tun asing, udi temimo Uku neak umeaknu.

MATIUS 25:40

Rajo'o bakea jemawab, ‘Namenba: Waktau udi menea hal'o sekilaipun ngen pasuak-Ku de tehino, berartai udi menea utuk-Ku!’

MATIUS 25:43

Uku suang tun asing, udi coa temimo Uku neak lem umeaknu. Uku coa keracok, udi coa melei Uku keracok. Uku bolon ngen neak sel, udi coa temulung Uku!’

KISAH RASUL-RASUL 16:15

Sesudo si dibaptis besamo-samo kute tun neak umeakne, si majok keme, nadeakne, “Amen udi bependapet bahwo uku sungguak-sungguak pecayo ngen Tuhan, maroba nupang neak umeakku.” Si desok sapei keme temimone.

ROMA 12:13

Tulungba tun-tun sucai lem kekuranganne ngen berusahoba utuk melei penan tinggea neak lem umeaknu!

ROMA 16:23

Gayus mbo salam ngen udi. Uku nupang neak umeakne ngen jemaat keme kulo berbakti neak di. Erastus, pemipin keuangan kota, mbo salamne ngen udi. Awei o kulo saudaro ite Kwartus. [

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 5:10

ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

TITUS 1:8

Si harus galok temimo tun neak daseine, galok ngen hal-hal baik, dapet temaen dirai, jujur, sucai ngen tertib.

1 PETRUS 4:9

Lokba udi temimo do ngen de luyen neak umeak masing-masing, ngen coa mengeluh.

3 YOHANES 1:5

Saudaroku! Saudaro kembiak setia lem pekerjaan de saudaro nea utuk tun-tun de pecayo; bahkan tun-tun de pecayo de ati saudaro kemnal, saudaro melayanne.