IBRANI 10:4 - JANJAI BLAU Lem Bahaso Jang Bebilai

⁴ sebab memang daleak sapai ngen kambing sebong coa mapus duso.

IBRANI 10:4 Iomraidhean Croise

MARKUS 12:33

Memang kemasiak Si ngen segenep atei ngen segenep akeane ngen segenep kekuatan, ngen kulo kemasiak sesamo manusio awei dirai su'ang adeba uak lebiak utamo kunei pado kute kurban de nembem ngen kurban-kurban de sembeliak luyenne.”

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

ROMA 11:27

Ngen dioba janjai-Ku ngen tobo'o, amen Uku mapus duso tobo'o.”

IBRANI 10:1

Hukum agamo Yahudi cuma melei gambaran de coa jelas tetang hal-hal de baik de bakea teko, iso gambaran de sebeneane kunei hal-hal o. Coa mukin hukum o dapet jemijai tun de teko nyembeak Allah ngen mbin persembahan, jijai sempurno, Kunyau tiep taun melei kurban-kurban de serai.

IBRANI 10:11

Tiep imem Yahudi maneu tugasne sebagai imem tiep-tiep bilai, cet si melei kurban-kurban de serai. Tapi kurban-kurban o samo sekilai coa dapet mapus duso.

IBRANI 10:8

Mulo-mulo Kristus madeak, “Ko coa lok kurban ngen persembahan; Ko coa layak utuk kurban benatang de nembem sebagai persembahan ngen kurban utuk pengampunan duso.” Kristus madeak awei o, kunyau kute kurban o senreak temurut hukum agamo Yahudi.

IBRANI 9:9

Dio lambang zaman uyo; taine bahwo persembahan-persembahan ngen kurban-kurban benatang de senreak ngen Allah, coa dapet jemijai atei nurani tun de mbin persembahan jijai sempurno.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.