IBRANI 10:1 - JANJAI BLAU Lem Bahaso Jang Bebilai

¹ Hukum agamo Yahudi cuma melei gambaran de coa jelas tetang hal-hal de baik de bakea teko, iso gambaran de sebeneane kunei hal-hal o. Coa mukin hukum o dapet jemijai tun de teko nyembeak Allah ngen mbin persembahan, jijai sempurno, Kunyau tiep taun melei kurban-kurban de serai.

IBRANI 10:1 Iomraidhean Croise

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

KOLOSE 2:17

Kutene o cuma bayangan bae kunei hal-hal de bakea teko, tapi nyato kunei hal-hal o adeba Kristus!

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

IBRANI 7:11

Neak beak pipinan imem-imem Lewi, hukum agamo Yahudi nelei ngen umat Israel. Kerno imem-imem Lewi bel'o o coa dapet menea seca'o sempurno jano de harus neane, mako harus ade imem luyen, adeba de awei Imem Melkisedek, ngen iso kunei golongan Imem Harun igai!

IBRANI 8:5

Pekerjaan de tobo'o nea sebagai imem o sebeneane cuma gambaran ngen bayangan kunei jano de ade neak surgo. Do'o sudo nelei namen Allah ngen Musa bel'o, ketiko Musa lok temgok Kemah Tuhan. Allah madeak ngen Musa, “Inget! Kutene o harusba ko nea temurut kerako kemah de kenten ngen ko neak das tebo.”

IBRANI 9:11

Tapi Kristus bi teko sebagai Imem Lai kunei hal-hal de baik de sudo ade. Kemah Tuhan neak ipe Si kemerjo tugas-Ne sebagai Imem Lai adeba kemah de lebiak agung ngen lebiak sempurna. Do'o iso nea manusio; taine iso kunei dunio de nea uyo.

IBRANI 9:23

Ngen ca'o awei'oba barang-barang de jijai lambang hal-hal de neak surgo, perlu senucai. Tapi utuk hal-hal de neak surgo o suang perlu kurban de lebiak baik.

IBRANI 9:25

Imem Lai Yahudi tiep-tiep taun masuk moi Ruang Mahasucai neak lem Umeak Tuhan ngen mbin daleak dikup benatang. Tapi Kristus coa masuk utuk melei dirai-Ne berulang-ulang.