IBRANI 1:6 - JANJAI BLAU Lem Bahaso Jang Bebilai

⁶ Tapi pado waktau Allah mutus Anok tuai-Ne moi dunio yo, Allah madeak awei yo, “Kute malaikat Allah wajib nyembeak Anok o.”

IBRANI 1:6 Iomraidhean Croise

MATIUS 24:14

Ngen Bito Baik tetang kero Allah meriteak bakea ke nabar moi kute dunio supayo kute tun temi'ukne. Sesudo'o kiamat teko.”

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 3:16

Kerno kembiak lai kasiak Allah bakea dunio yo, sehinggo Si bi melei karunio Anok-Ne de tunggea, supayo tiep tun de pecayo ngen-Si coa benaso, tapi dapet idup de kekal.

ROMA 8:29

Sebab kute tun de niliak-Ne kunei semulo, tobo'o kulo tentau-Ne kunei semulo utuk jijai serai ngen gambaran Anok-Ne, kunyau Si, Anok-Ne o, jijai de pertamo neak antaro dau saudaro.

KOLOSE 1:15

Kristus adeba gambar de nyato kunei dirai Allah de coa keten; Kristus adeba anok tuai, Siba de lebiak utamo lem kute sesuaktau.

KOLOSE 1:18

Siba ulau kunei awok-Ne, adeba jemaat, kerno Siba sumber kehidupan jemaat o. Siba anok de tuai, de pertamo-pertamo nidup igai kunei matei, supayo Si suang bae de jijai de paling peting kunei kute sesuaktau.

IBRANI 1:5

Coa perneak Allah madeak awei yo ngen suang malaikat. “Koba Anok-Ku; pado bilai yo Uku jijai Bapa-Nu.” Coa perneak kulo Allah madeak awei yo tetang malaikat ipe bae, “Uku bakea jijai Bapa-Ne, Si bakea jijai Anok-Ku.”

IBRANI 10:5

Do'oba sebabne waktau Kristus masuk moi dunio, Si madeak ngen Allah, “Ko coa lok kurban ngen persembahan; sebelekne Ko bi semiap awok utuk-Ku.

1 PETRUS 3:22

ngen bi kenek moi surgo. Uyo si bekuaso besamo Allah ngen meriteak kute malaikat, kute penguaso serto kute kekuatan.

1 YOHANES 4:9

Allah madeak bahwo Si mengasiak ite ngen mutus Anok-Ne de tunggea moi lem dunio supayo ite dapet idup liwet Anok-Ne o.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,