IBRANI 1:1 - JANJAI BLAU Lem Bahaso Jang Bebilai

¹ Pado jaman bel'o dau nien Allah miling ngen ninik puyang te liwet nebai-nebai ngen memecem ca'o.

IBRANI 1:1 Iomraidhean Croise

LUKAS 1:55

Awei de jenanjai-Ne, ngen ninik puyang te, ngen Abraham ngen royotne utuk selamo-lamone.”

LUKAS 1:72

Utuk temunjuk rahmat-Ne ngen ninik puyang ite, ngen minget janjai-Ne de Sucai.

LUKAS 24:27

Lajau Si jemlas ngen tobo'o jano de tetulis tetang Si lem kute Kiteb Sucai, muloi kunei kiteb-kiteb Musa ngen kute kiteb nebai-nebai.

LUKAS 24:44

Si madeak ngen tobo'o, “Dioba padeak-Ku, de bi Kunadeak ngen udi ketiko Uku masiak sesamo ngen udi, adeba bahwo arus genep kute de ade tetulis tetang Uku lem kiteb Taurat Musa ngen kiteb nebai-nebai ngen kiteb Mazmur.”

YOHANES 16:13

Tapi amen Si teko, adeba Roh kebenea, Si bakea mipin udi neak lem kute kebenea. Si coa bakea madeak kunei dirai-Ne suang, tapi kute sesuaktau de teni'ukne do'oba de bakea nadeak-Ne ngen Si bakea melei namen ngen udi hal-hal de bakea teko.

YOHANES 7:22

Jijai, Musa temtep supayo udi sunat – sebeneane sunat o iso kunei Musa, tapi kunei ninik puyang ite ngen ko semunat tun pado bilai Sabat!

YOHANES 9:29

Keme namen bahwo Allah bi melei firman ngen Musa, tapi tetang si o keme coa namen kunei ipe Si teko.”

KISAH RASUL-RASUL 13:32

Keme uyo melei Bito Baik ngen udi: Bahwo janjai de nelei ngen ninik puyang te,

KISAH RASUL-RASUL 2:30

Tapi si adeba suang nebai ngen si namen, bahwo Allah bi janjai ngen si ngen supeak bahwo saleak suang kunei royot Daud suang neak das takhtane.

KISAH RASUL-RASUL 28:23

Lajau tobo'o ngen Paulus temtep bilai utuk temau. Pado bilai o tekoba tobo'o lem jumleak lai moi penan tinggea Paulus. Paulus tem'ang, melei saksai ngen tobo'o tetang Allah meriteak sebagai Rajo; temurut Hukum Taurat ngen Bukau Nebai-nebai, Paulus beusaho menea tobo'o pecayo tetang Yesus. Hal o berlangsung kunei pueng sapei pelbeak.

KISAH RASUL-RASUL 3:21

Si arus tinggea neak surgo sapei Allah jemijai kutene belau awei de nadeak Allah liwet nebai-nebai-Ne waktau zaman bel o.

IBRANI 11:18

Allah bi madeak ngen Abraham, “Liwet Ishak dioba ko bakea dapet anok de Uku jemanjai ngenko.”

IBRANI 11:2

Kerno berimen, mako tun-tun zaman bel'o sennang Allah.

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 2:2

Pesen-pesen de senapei malaikat ngen ninik puyang ite ternyato benea, tun de coa temotoa atau taat teadepne temimo hukuman de setimpal.

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

IBRANI 3:5

Musa setia sebagai pelayan neak Umeak Allah ngen semapei hal-hal de bakea nelei namen Allah pado maso de bakea teko.

IBRANI 4:8

Amen seandaine Yosua sudo melei tun-tun o istirahat de jenanjai Allah, mako Allah bakea miling igai tetang suaktau bilai de luyen.

IBRANI 5:5

Awei o kulo Kristus. Si coa maket dirai suang jijai Imem Lai. Allah suangba de maket Si. Allah madeak ngen-Si, “Koba Anok-Ku; pado bilai yo Uku jijai Bapa-Nu.”

IBRANI 9:19

Mulo-mulo Musa semapei kute periteak hukum Allah ngen bangso Israel. Sesudo'o Musa mok daleak anok sapai ngen kambing sebong, lajau cemapuane ngen bioa, sesudo'o mcikne neak Kiteb Hukum-Hukum kunei Allah ngen kute bangso Israel, makei dukut hisop ngen bulau bebirai warno mileak tuai.