FILEMON 1:9 - JANJAI BLAU Lem Bahaso Jang Bebilai

⁹ Tapi kerno uku mengasihi saudaro, uku cuma minoi bae. Uku yo tun tu'ai ngen uyo dong nasuk sel kerno Kristus Yesus.

FILEMON 1:9 Iomraidhean Croise

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

2 KORINTUS 5:20

Jijai, keme yo utusan-utusan Kristus, awei Allah melei nasihat ngen udi liwet keme; lem gen Kristus keme minoi ngen udi: Keleiba dirainu damoi nge Allah.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

GALATIA 3:26

Sebab udi kute adeba anok-anok Allah liwet imen neak lem Yesus Kristus.

EFESUS 3:1

Do'oba sebabne uku, Paulus, nasuk sel kerno Kristus Yesus utuk kepetingan tun-tun iso Yahudi.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

EFESUS 6:20

Kerno Bito Baik o ba, uku jijai suang utusan de nasuk sel. Bedu'oba supayo uku binai miling tetang Bito Baik o, de awei ipe seharusne uku miling.

1 TIMOTIUS 1:12

Uku mucep syukur ngen Kristus Yesus Tuhan ite. Si bi melei kekuatan ngen uku utuk melayan Si, ngen Si manggap uku patas utuk tugas o,

TITUS 2:2

Nasehatba tun semanei-semanei de tu'ai, supayo tobo'o tema'en dirai, bijaksana ngen idup sebagai tun de patut nego. Tobo'o harus kulo bepegong pado ajaran de benea kunei Allah, mengasihi ngen sempurno, saro ngen tabah.

IBRANI 13:19

Khususne uku minoi nien, supayo udi demu'o uku supayo Allah segro mbin uku belek igai ngen ko.

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.