FILEMON 1:17 - JANJAI BLAU Lem Bahaso Jang Bebilai

¹⁷ Kerno Saudaro manggap uku kuat sesamo Kristen, temimoba igai Onesimus serai awei saudaro temimo uku.

FILEMON 1:17 Iomraidhean Croise

MATIUS 10:40

“Tun de temimo udi temimo Uku, ngen tun de temimo de mutusku, Uku temimo Si.

MATIUS 18:5

Ngen tun de temimo anok de awei yo kerno Uku, taine temimo Uku.”

MATIUS 25:40

Rajo'o bakea jemawab, ‘Namenba: Waktau udi menea hal'o sekilaipun ngen pasuak-Ku de tehino, berartai udi menea utuk-Ku!’

KISAH RASUL-RASUL 16:15

Sesudo si dibaptis besamo-samo kute tun neak umeakne, si majok keme, nadeakne, “Amen udi bependapet bahwo uku sungguak-sungguak pecayo ngen Tuhan, maroba nupang neak umeakku.” Si desok sapei keme temimone.

2 KORINTUS 8:23

Titus adeba kuatku de bekerjo samo ngen uku utuk udi; saudaro-saudaro do imen keme de luyen o adeba utusan jemaat-jemaat ngen suaktau kemulioan bagiak Kristus.

EFESUS 3:6

Resio o adeba: Liwet Bito Baik o, tun iso Yahudi milau jijai ahli-ahli waris ngen anggota-anggota awok ngen milau temimo jano de jenanjai Allah liwet Kristus Yesus.

FILIFI 1:7

Memang bi sepatutne uku bepeker awei o tetang udi kutene, sebab udi ade neak lem ateiku. Kulo kerno udi kutene milau temimo besamo-samo uku, anugerah de Allah nelei ngen uku; baik pado waktau uku nasuk sel atau pado waktau uku mbela ngen mempertahankan Bito Baik o.

1 TIMOTIUS 6:2

Hamba-hamba de tuanne tun Kristen, coa buliak manggap remeh tuanne kerno tobo'o samo-samo tun Kristen. Malah tobo'o seharusne melayan tuan tobo'o ngen lebiak baik igai, sebab tuan de nelayan ngen baik o adeba samo-samo tun pecayo de dikasihi. Najeaba ngen meleiba nasihat kutene o.

FILEMON 1:10

Uku, Paulus, minoi ngen ko tetang Onesimus, anok uku de lem Kristus. Sebab neak lem sel yo uku bi jijai bak aketne.

FILEMON 1:12

Uyo tun de uku kasihi o uku mbo igai ngenko.

FILEMON 1:18

Amen si besaleak atau ade utang ngen ko, kunyauba uku de temanggung kutene.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

1 YOHANES 1:3

Jano de sudo keme kemliak ngen temi'uk, do'oba kulo de keme melei namen ngen udi, supayo udi ngen keme besamo-samo idup jijai do ngen Bapa ngen Anok-Ne Yesus Kristus.