FILEMON 1:16 - JANJAI BLAU Lem Bahaso Jang Bebilai

¹⁶ Uyo si iso cuma suang hamba utuk saudaro; si lebiak kunei o. Si adeba sesamo tun Kristen de tecito. Si beguno sekilai utuk ku, jano igai utuknu! Paset si beguno sekilai baik sebagai hamba atau sebagai saudaro neak lem Tuhan!

FILEMON 1:16 Iomraidhean Croise

MATIUS 23:8

Tapi udi, jibeak lok endeu pak gu'au, kerno cuma ade do gu'aunu ngen udi kutene adeba pasuak.

KISAH RASUL-RASUL 9:17

Mako Ananias kulo lalau moi umeak o lajau meltok tangenne moi das Saulus. “Pasuak Saulus,” nadeak Ananias, “Tuhan Yesus de udi keliak neak tengeak dalen ketiko Pasuak gidong miyo, Siba de meluak uku teko supayo Pasuak nam kemliak igai, ngen penuak Roh Sucai.”

1 KORINTUS 7:22

Sebab suang hamba de sudo pecayo ngen Tuhan, adeba tun de bebas utuk Tuhan. Tun bebas de sudo pecayo ngen Tuhan, adeba hamba Kristus.

KOLOSE 3:22

Saudaro-saudaro de jijai hamba! Lem kute hal, lokba udi taat ngen tuannu de neak dunio yo. Jibeakba taat ngen tobo'o cuma pado waktau tobo'o gidong ngawas udi, kerno udi lok nujai. Taatba ngen tobo'o ngen atei de ikhlas, kerno udi hormat ngen Tuhan.

1 TIMOTIUS 6:2

Hamba-hamba de tuanne tun Kristen, coa buliak manggap remeh tuanne kerno tobo'o samo-samo tun Kristen. Malah tobo'o seharusne melayan tuan tobo'o ngen lebiak baik igai, sebab tuan de nelayan ngen baik o adeba samo-samo tun pecayo de dikasihi. Najeaba ngen meleiba nasihat kutene o.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

1 YOHANES 5:1

Tun de pecayo bahwo Yesus adeba Rajo Penyelamat de jenanjai Allah, tun o adeba Anok Allah. Tun de mengasiak su'ang bapok, mengasiak anokne kulo.