FILEMON 1:10 - JANJAI BLAU Lem Bahaso Jang Bebilai

¹⁰ Uku, Paulus, minoi ngen ko tetang Onesimus, anok uku de lem Kristus. Sebab neak lem sel yo uku bi jijai bak aketne.

FILEMON 1:10 Iomraidhean Croise

MARKUS 9:17

Nadeak su'ang tun kunei tun dau'o, “Gu'au, anokku yo uku mbin ngen-Ko, kerno si pasuk roh de menea si bisau.

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

1 KORINTUS 4:14

Uku temulis dio iso utuk menea udi jijai selek, tapi utuk melei nasihat udi awei anok-anokku suang.

1 KORINTUS 4:15

Sebab ukuba de jijai bak udi, mukin sebagai tun Kristen, udi bi temuan puluak ribau gu'au. Neak lem idupnu sebagai tun-tun de jijai do ngen Kristus, uku de jijai baknu, kerno uku de mbin Bito Baik tetang Kristus ngen ko.

GALATIA 4:19

Hoi, anok-anokku, uku uyo menderita igai kerno udi. Uku menderita awei suang ibu menderita pado waktau melaher. Uku bakea terus menderita, amen sifet-sifet Kristus ati ade neak lem ateinu.

KOLOSE 4:9

Onesimus bakea lalau besamo-samo Tikhikus; si suang kunei udi. Si tun de setia, ngen keme sayang ngen si. Onesimus ngen Tikhikus bakea melei namen ngen udi kekutene de tejijai neak penan uku yo.

TITUS 1:4

Titus, ko adeba sungguak-sungguak anokku, sebab ko ngen uku bi pecayo ngen Kristus. Uku ma'ep supayo Allah Bapa ngen Kristus Yesus Rajo Penyelamat ite, melei berkat ngen sejahtera ngen ko.

FILEMON 1:11

Bel'o si coa ade guno utuk nu, tapi uyo si ade gunone, iso bae utuknu, tapi utukku kulo.

FILEMON 1:13

Sebeneane uku lok tema'en si besamo uku sebagai giteiko, selamo uku tena'en lem sel yo kerno melei namen Bito Baik kunei Allah.

3 YOHANES 1:4

Coa ade de dapet menea uku kembiak riang, kunei pado temi'uk bahwo anok-anok uku idup temurut ajaran Allah