Biblia Todo Logo
Bìoball air-loidhne

- Sanasan -




Zacarías 8:3 - CHUYA QELLQA La Biblia en Quechua de Ayacucho 2012

3 Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.

Faic an caibideil Dèan lethbhreac

Quechua Ayacucho Bible 1987

3 Tayta Diosmi kaynata niwarqa: Ñoqaqa kutikusaqñam Sion Moqopi llaqtaman. *f**Yachakunaypaqmi kutikusaqña Jerusalenman. Jerusalen llaqtam sutichasqa kanqa Cheqap Kaqkunapa Kanan Llaqtawan. Chaynapim Llapallan Kamachiq Tayta Diospa orqonpas sutichasqa kanqa Paypaq Sapaqchasqa Orqowan.

Faic an caibideil Dèan lethbhreac

Chuya Qellqa 1992

3 Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.

Faic an caibideil Dèan lethbhreac




Zacarías 8:3
39 Iomraidhean Croise  

Hinaspam Israelpa mirayninkunapa chawpinpi yachaspay Diosninku kasaq.


¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.


Ñawpaq tiempopi hinam jueznikikunatapas chaynallataq umachasuqnikikunatapas hatarichisaq. Chaymi allinkuna ruwaqwan, hinaspa Diosllapi hapipakuq llaqtawan sutichasqa kanki.


Sapaqchasqay lliw orqopiqa manañam pipas mana allintaqa ruwanqachu. Imaynam lamar qochata yaku pasaypaqta pampaykun, chaynam Tayta Diospa reqsichikuyninpas kay pachata pampaykunqa.


Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.


Chay nacionpiqa mana pimanpas sayapakuywan, allin kaqkuna ruwayllañam munaychakunqa.


Ñakarichiqnikikunapa churinkunam uchuychakuspanku ñawpaqnikiman hamunqaku, usuchisuqnikikunam ñawpaqnikipi qonqoranqaku, paykunam sutichasunki: “Tayta Diospa llaqtan, Israelpa Chuya Diosninpa Sión llaqtan”, nispanku.


Atoqwan malta ovejapas kuskankum mikunqaku, leonpas toro hinam pajataña mikunqa, maqta urupas allpatañam mikunqa. Chuyanchasqay orqopiqa manañam ima mana allin ruwanakuypas kanqañachu, nispa.


Hinaspam llapa nacionkunamanta llaqtamasikichikkunata pusamunqaku, caballokunapi, carretakunapi, andaskunapi, mulakunapi hinaspa camellokunapi. Paykunatam ñoqa Tayta Diospaq ofrendata hina chuyanchakusqay Jerusalén llaqtaman pusamunqaku. Paykunam kanqaku Israelpa apamusqan ofrenda hina, nispa.


Ñoqaqa Tayta Diospa qowasqan churiykunapiwanmi Israel nacionpaq señal kaniku, Sión moqopi yachaq Tukuy Atiyniyuq Tayta Diospa churaykuwasqankuman hina.


¿Imanasqataq muspaypi runa hina rikurirunki? ¿Imanasqataq allin qari kachkaspa mana ima ruway atiq rikurirunki? Chaywanpas Dios Taytallayku, qamqa ñoqaykuwanmi kachkanki, lliwmi yachanku llaqtayki kasqaykutaqa, amayá saqerullawaykuchu.


Judá nacionpi rey Ezequías munaychakuchkaptinmi, Moreset llaqtayuq Miqueas kay Judá nacionpi llapallan runakunata nirqa: Tukuy atiyniyuq Tayta Diosmi kaynata nin: Sión llaqtam yapusqa chakraman tikrasqa kanqa, Jerusalén llaqtam purmachisqa kanqa, Templopa kasqan moqom monteyarunqa, nispa.


Israelpa yupaychasqan Tukuy Atiy-niyuq Tayta Diosmi nin: Preso apasqa runakunata kutichimuptiymi kay Judá allpapi hinaspa llaqtankunapipas kaqllamanta ninqaku: “Tayta Diosyá bendecichun sapaqchakusqan moqota, allin ruwaypa kanan moqota”, nispanku.


Paypa punchawninkunapim Judá nación salvasqa kanqa, Jerusalén llaqtapas hawkam kawsakunqa. Chayraykum sutichanqaku: Tayta Diosmi vencechiwaqninchikqa, nispanku.


Chay llaqtapa muyuriqninpi murallam kanqa isqon kilómetro sayayniyuq. Chay punchawmantam chay llaqtapa sutin kanqa: “Jehová-sama”.


Señornillayku, allin ruwaq kasqaykiraykuyá akllakusqayki Jerusalén llaqtaykipa contranpiqa amaña piñakuyñachu nitaq rabiakuyñachu. Huchaykuraykum hinaspa ñawpaq taytaykupa mana allinkuna ruwasqankuraykum Jerusalén llaqtaykiwan runaykikunapas muyuriqniykupi nacionkunapa usuchisqan kachkaniku.


Chaynapim yachankichik Dios Taytaykichik kasqayta, hinaspa sapaqchakusqay Sión moqopi yachasqayta. Jerusalenpas chuya llaqtam kanqa, manañam haykapipas huklaw llaqtayuq runakunaqa munaychakunqakuñachu.


Ñoqa Tayta Diosmi manaraq mayllasqaykunapa yawarninta mayllaykusaq, hinaspaymi Sión moqopi yachakusaq.


Tukupay tiempokunapim Tayta Diospa templonpa kasqan orqo wakin orqokunapa hawanpi churasqa kanqa, hatun orqokunamantapas aswan hatunmi kanqa, hinaptinmi payman llapallan nacionkuna rinqaku.


Israelpi puchuqkunapas manañam mana allintaqa ruwanqakuñachu, nitaqmi llullakunqakuñachu, manañam pitapas engañanqakuchu. Michisqa kaspankum hawkaña samakunqaku, manchachiqninkupas manañam kanqañachu, nispa.


Chayraykum Tayta Dios kaynata nin: Kunanmi Jerusalén llaqtata yapamanta llakipayaykusaq, hinaptinmi temploypas chaynataq Jerusalenpas musoqmanta hatarichisqa kanqa, nispa.


Chay punchawpim Judá nacionpi kamachiqkunata yanta chawpipi sansata hina ruwarusaq chaynataq gavillakunapa chawpinpi ratachkaq ninata hina, hinaptinmi muyuriqninpi nacionkunata alleq lawman ichoq lawman paykuna kañanqaku. Jerusalenpi runakunañataqmi hina llaqtankupi yachanqaku.


Kay allpam Geba lawmanta qallaykuspa Jerusalenpa sur lawninpi Rimón lawkama pampayanqa. Jerusalenmi ichaqa maymi kasqanpi takyanqa, chaypim runakuna yachanqaku Benjaminpa punkunmanta qallaykuspa esquina punkukama otaq ñawpaq tiempopi kaq punkukama chaynataq Hananeelpa torrenmanta qallaykuspa reypa lagarninkunakama.


Chaynaqa, kaykunata ruwaychik: Runamasikichikwan cheqap kaqta rimaychik, mana pimanpas sayapakuspa allin arreglota ruwaychik, cortekunapipas hawkayayta maskaychik.


Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.


Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.


Chaymi Jesusñataq nirqa: Kuyawaqniyqa palabraykunatam kasukun, paytaqa Taytaypas kuyanqam, Taytaywan hamuspaymi kuyawaqniywanqa yachasaqku.


Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.


Diospa pim kayninqa Cristopa runa kayninpim kachkan.


Chuya Espiritum hatun alto orqoman aparuwarqa, hinaspam Jerusalén chuya llaqtata qawaykachiwarqa, chay llaqtaqa Diospa qayllan hanaq pachamantam uraykamuchkasqa.


Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.


Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.


Lean sinn:

Sanasan


Sanasan