Zacarías 3:2 - CHUYA QELLQA La Biblia en Quechua de Ayacucho 2012

² Hinaptinmi Satanasta Tayta Diospa angelnin kaynata nirqa: Yaw Satanás, Tayta Diosyá wischusunki. Jerusalén llaqtata akllakuq Tayta Diosyá qarqosunki. Josueyqa rupachkaq ninamanta hurqorusqa sansa hinam, nispa.

Quechua Ayacucho Bible 1987

² Hinaptinmi Tayta Diosñataq chay acusananpaq sayaq Satanasta qaqcharqa kaynata: —Satanas, ñoqa Tayta Diosmi qamtaqa qaqchayki. Jerusalen llaqtata akllakuq ñoqa Tayta Diosmi qamtaqa qaqchayki. Josueyqariki rupachkaq ninamanta kañakuchkaq kaspi hina horqoykusqam —nispa.

Chuya Qellqa 1992

² Hinaptinmi Satanasta Tayta Diospa angelnin kaynata nirqa: Yaw Satanás, Tayta Diosyá wischusunki. Jerusalén llaqtata akllakuq Tayta Diosyá qarqosunki. Josueyqa rupachkaq ninamanta hurqorusqa sansa hinam, nispa.

Zacarías 3:2 Iomraidhean Croise

2~Crónicas 6:5

“Israelpa mirayninkunata Egipto nacion-manta hurqomusqay punchawmantapu-nim, Israel ayllukunapa mayqan llaqtantapas mana akllarqanichu chaypi wasiyta ruwaptinku sutiy hatunchasqa kananpaqqa, Israel llaqtaypi munaychakunanpaqpas manataqmi pitapas akllarqanichu.

2~Crónicas 6:6

Ichaqa Jerusalén llaqtatam akllarqani chaypi sutiy reqsisqa kananpaq, Davidtañataqmi akllarqani Israel llaqtaypi munaychakunanpaq”, nispa.

Isaías 7:4

Paytam ninki: Cuidakuy hinaspa hawkalla kay ama manchakuychu nitaq sonqoykipas hukmanyachunchu chay iskay qosniq yantakunaraykuqa, Siriapa reynin Rezinpa chaynataq Remaliaspa churin Pekapa sinchi piñakuyninraykuqa.

Daniel 12:1

Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Amós 4:11

Sodoma Gomorra llaqtakunata hinam chinkarachirqaykichik, ninamanta hurqosqa sansa hinam karqankichik, ichaqa manam ñoqaman kutirikamurqankichikchu. Tayta Diosmi chaynata nin.

Zacarías 1:17

Chay angelqa kamachiwarqataqmi kaytapas: Tukuy Atiyniyuq Tayta Diosmi kaynata nin: “Llaqtaykunatam huktawan allin kaqkunawan llimparichisaq. Kikiypunim Sión llaqtata consuelaykusaq, hinaspaymi Jerusalentapas kaqllamanta llaqtaypaqña akllakuykusaq”, nispa.

Zacarías 2:12

Tayta Diosmi Judá nacionpi, ancha kuyasqan allpapi huktawan munaychakunqa, Jerusalentapas huktawanmi llaqtanpaq akllaykunqa.

Marcos 1:25

Jesusñataqmi demoniota qaqchaspan nirqa: ¡Upallay, kay runamanta lloqsiy! nispa.

Marcos 9:25

Jesusñataqmi runakuna aswanraq huñunakamusqanta qawarispan chay mana allin espirituta qaqcharqa: Upayachikuq hinaspa mana rimachikuq espíritu, ñoqam kamachiki, kay warmamanta lloqsiy hinaspa amaña huktawanqa kutiykuyñachu, nispan.

Lucas 22:32

ichaqa ñoqam qampaq mañakuruni, chaynapi iñiyniki mana pisinanpaq. Qamñataqmi ñoqaman kutirimuspayki iñiqmasikikunata kallpanchanki, nispa.

Lucas 4:35

Jesusñataqmi demoniota qaqchaspan nirqa: ¡Upallay hinaspa kay runamanta lloqsiy! nispa. Hinaptinmi demonioñataq chay runata llapa runakunapa chawpinman wikutiruspan mana imanaspalla lloqsirurqa.

Lucas 9:42

Chaymi warma asuykuchkaptin demonio wikaparuspan wañuy mañawan hapirachirqa. Hinaptinmi Jesusñataq demoniota qaqcharqa, chaymi warma sanoyaruptin taytanman qoykurqa.

Juan 13:18

Manam llapallaykichikmantachu ñoqaqa rimachkani, reqsinim pikunam akllasqaytaqa. Qellqapa nisqanpi hina: “Mikuqmasiypas contraypim hatarirun” nisqanmi cumplikunan.

Romanos 16:20

Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.

Romanos 8:33

Diosmi mana huchayuqtaña ruwawaqninchikqa, hinaptinqa, ¿pitaq Diospa akllasqankunata acusanman?

1~Juan 3:8

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.

Judas 1:23

Wakinkunata ninamanta hurqochkaq hina salvaychik, wakintañataq imamantapas harkaspa kuyapayaychik, ichaqa amayá huchankuwanqa aysachikuychikchu, mana allin huchapi purispa pachakusqanku pachatapas millakuychik.

Judas 1:9

Angelkunata kamachiq Miguelmi Moisespa cuerponmanta diablowan pelearqa, chaywanpas diablotaqa manam ñakarqachu, aswanqa kaynallatam nirqa: “Señoryá qaqchasunki”, nispan.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.