Zacarías 10:3 - CHUYA QELLQA La Biblia en Quechua de Ayacucho 2012

³ Chayraykum Tayta Dios kaynata nin: Michiqkunapa contranpim sinchita piñakuruni, llaqtay nanachikuq runakunatam castigasaq. Tukuy Atiyniyuq Tayta Diosmi, Judapa mirayninkunata ovejankunata hina waqaychaqmi, paykunata guerrapaq kallpasapa caballonta hina ruwanqa.

Quechua Ayacucho Bible 1987

³ Chayraykum Tayta Dios nin kaynata: Michiqkunapa contranpim piñasqa kachkani ñoqaqa. Runaykuna pusaqkunatam castigasaq ñoqaqa. Llapallan Kamachiq ñoqa Tayta Diosmi runaykunataqa yanapasaq. Llapallan Kamachiq ñoqa Tayta Diosmi Juda castakunataqa yanapasaq. Guerrapaq kallpasapa caballota hinam rurarusaq.

Chuya Qellqa 1992

³ Chayraykum Tayta Dios kaynata nin: Michiqkunapa contranpim sinchita piñakuruni, llaqtay nanachikuq runakunatam castigasaq. Tukuy Atiyniyuq Tayta Diosmi, Judapa mirayninkunata ovejankunata hina waqaychaqmi, paykunata guerrapaq kallpasapa caballonta hina ruwanqa.

Zacarías 10:3 Iomraidhean Croise

Jobwan Sutichasqa Libro 39:25

Trompeta waqaykuptinmi contestaq hinaraq weqeqeqen, karullamantaraqmi guerratapas musyarun, capitankunapa qapariynintapas uyarinmi.

Éxodo 4:31

Chaymi paykunapa nisqanta runakuna creerqaku. Israelpa mirayninkunam paykunaman Tayta Diospa watukusqanta yachaykuspanku, ñakarisqankutapas qawaykusqanta uyariykuspanku kumuykuspa Diosta hatuncharqaku.

Proverbios 21:31

Guerraman rinapaqmi caballotaqa alistanku, ichaqa Diosllam vencechiqqa.

Cantares 1:9

Ancha kuyakusqalláy, ñoqapaqqa qamqa kanki Faraonpa carretan aysaq sumaq yeguacha kaqllam.

Isaías 10:12

Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Isaías 24:21

Chay punchawmi Tayta Dios ñakarichinqa hanaq pachapi kaqkunatapas, chaynallataq kay pachapi reykunatapas.

Jeremías 10:21

Kamachikuqkunapas mana yachayniyuqñam rikurirunku, Tayta Diostapas manañam maskankuchu; chayraykum wichirunku, ovejankunapas lliwñam cheqerun.

Jeremías 11:22

Chaymi Tukuy Atiyniyuq Tayta Dios kaynata niwarqa: Ñoqam paykunataqa castigasaq: Jovenkunam guerrapi wañunqaku, churinkuñataqmi qaripas warmipas yarqaymanta wañunqaku.

Jeremías 25:12

Qanchis chunka wata pasaruptinmi, Babilonia nacionpa reynintawan Caldea nacionniyuq runakunata, mana allinkuna ruwasqankumanta puchukarachisaq. Ñoqa Tayta Diosmi chaynata nini.

Jeremías 25:34

Michiqkuna nanaywan qaparispa waqaychik, llaqtay michiqkuna allpapi kuchpaykachakuychik, Nakasqa kanaykichik punchawmi chayaramun, poqosqa carnerokuna hinam nakachikunkichik; kuyayllapaq vaso hinam pakikunkichik.

Jeremías 50:6

Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Ezequiel 34:11

Ñoqa Tayta Diosmi kaynata nini: Kikiyñam ovejaykunata maskamuspay nanachikusaq.

Ezequiel 34:12

Imaynam huk michiq ovejankuna cheqeruptin maskamun, chaynam ñoqapas ovejaykunata maskamusaq; hinaspaymi tutayaq yana puyupa tapaykusqan punchawpi tukuy hinastinman cheqerusqankumanta libramusaq.

Ezequiel 34:2

Runapa churin, Israelpa michiqninkunapa contranpi ñoqa Tayta Diospa nisqayta kaynata niy: ¡Israelpa michiqninkuna, kikillaykichikta michikuqkuna, imallapiraq rikukunkichik! Michiqkunaqa ovejakunatam michinanku.

Daniel 11:32

Chay reyqa, Diospa pactonta qepanchakuqkunatam sumaq sakrillawanña rimapayaspan rantiypaq-rantirunqa; Dios reqsikuqkunam ichaqa kallpanchakuspa kutipakunqaku.

Sofonías 1:8

Tayta Diosmi nin: Chay punchawpim kamachikuqkunata, reypa churinkunata, chaynataq huklaw nacionpi pachawan pachakuqkunatapas castigasaq.

Sofonías 2:7

Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.

Zacarías 11:17

¡Imallapiraq rikukunqa michisqan ovejakunata saqeruq mana valeq michiq! Makinpas espadawan kuchusqa kachun, alleq ñawinpas espadawan tuksisqa kachun. Chayna runapaqqa makinpas chakiruchun, alleq ñawinpas ñawsayaruchun.

Lucas 1:68

Israelpa Diosninyá qapaqchasqa kachun, payqa llaqtanta salvaykunanpaqmi hamurqa.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

Rutwan Sutichasqa Libro 1:6

Moab lawpi yachachkaspam Noemí uyarirurqa llaqtamasinkunaman Dios allin cosecha qoykusqanta, chaymi Moab-manta iskaynin llumchuyninkunapiwan llaqtanman kutikurqa.