Tito 3:6 - CHUYA QELLQA La Biblia en Quechua de Ayacucho 2012

⁶ Salvaqninchik Diosninchikmi Jesucristontakama Chuya Espiritunta chaqchurimuwarqanchik.

Quechua Ayacucho Bible 1987

⁶ Salvawaqninchik Jesucristoraykum tallichkaq hina Chuya Espirituta chaninninpi Dios qowarqanchik.

Chuya Qellqa 1992

⁶ Salvaqninchik Diosninchikmi Jesucristontakama Chuya Espiritunta chaqchurimuwarqanchik.

Tito 3:6 Iomraidhean Croise

Proverbios 1:23

Rimapayasqaykunata uyariychik, hinaptinqa espirituywan huntachispaymi imam piensasqaykunata reqsichisqaykichik.

Isaías 32:15

Chaynaqa kanqa, hanaq pachamanta Diospa Espiritun ñoqanchikman hamunankamam. Hinaptinmi mana imapa qespinan chaki allpapas, lliw kawsaypa qespinanmanña tikrakunqa; tukuy imapa qespinan allpañataqmi aswan allintaraq rurunqa.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Joel 2:28

Chaykunapa qepantam llapa runakunaman Espirituyta chaqchurimusaq; churikichikkunam qaripas warmipas profetizanqaku, yuyaqkunam mosqonqaku, jovenkunawan sipaskunapas visionkunatam rikunqaku.

Juan 1:16

Paypa tukuy kapuqninmantam chani-chaninta mana imallapaq chaskinchik.

Juan 16:7

Cheqaptam nikichik: Qamkunapaqqa allinpunim ñoqapa riyniyqa, mana riptiyqa manachá qamkunapa kallpanchasuqnikichikpas hamunmanchu, rispaymi ichaqa kachamusqaykichik.

Juan 4:10

Chaymi payta Jesús nirqa: Sichum yachawaq Diospa kuyakuyninta chaynataq yaku mañakusuqniki pim kasqanta, hinaspaqa paytachá mañakuwaq, hinaptinqa kawsachikuq yakutam qoykusunkiman, nispa.

Juan 7:37

Fiestapa tukupaynin punchawqa hatun punchawmi karqa. Chaypim Jesús sayaykuspan kaynata qaparirqa: Pipas yakunayachikuqqa ñoqaman hamuspa tomachun.

Hechos 10:45

Hinaptinmi Pedrowan hamuq iñiq judiokuna llumpayta admirakurqaku, mana judío kachkaptinkupas Chuya Espiritupa atiynin huntaykusqanmanta.

Hechos 2:33

Chaynapim Diosqa Jesusta hatunchaykuspan alleq lawninpi chaskiykurqa, Tayta Diospa prometekusqanman hinam Chuya Espirituta Jesús chaskirqa, chay Chuya Espirituntam chaqchurimuwarqanchik, chaytam qawachkankichik hinaspa uyarichkankichik.

Romanos 2:4

¿Icha Diospa hatu-hatun kuyakuynintawan pacienciantachu wischupakunki? ¿Manachu yachanki paypa kuyakuyninqa wanakuyman pusasusqaykita?

Romanos 5:5

Diospi hapipakuyñataqmi paypi takyachiwanchik, Diosmi kuyakuyninta sonqonchikman huntaykuwarqanchik qowasqanchik Chuya Espirituntakama.

Romanos 8:2

Jesucristontakama kawsay qokuq Espiritupa leyninmi, wañuymantawan huchapa kamachikuyninmanta libraykuwan.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Efesios 4:2

Chaynaqa, uchuychakuspayá llampu sonqolla hinaspa pacienciakuq kaychik, imamanta pantanakuruspapas kuyakuywanyá aguantanakuychik.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

Tito 1:4

Tito qamqa iñiypi churiymi kanki, Dios Taytanchikwan salvaqninchik Jesucristoyá kuyakuynintawan hawkayayninta qanman chaqchurimuchun.