Tito 2:2 - CHUYA QELLQA La Biblia en Quechua de Ayacucho 2012

² Mayor señorkunaqa kananku: Allin yachayniyuqmi, respetachikuqmi, allin yuyaymanayniyuqmi, allin iñiyniyuqmi, kuyakuyniyuqmi hinaspa pacienciakuqmi.

Quechua Ayacucho Bible 1987

² Machu señorkunata rimapayay imamantapas controlakuspa respetachikuq hinaspa allin piensaq kanankupaq, paykunaqa iñisqankupipas, kuyakuyninkupipas hinaspa pacienciayoq kayninkupipas allintayá takyachunku.

Chuya Qellqa 1992

² Mayor señorkunaqa kananku: Allin yachayniyuqmi, respetachikuqmi, allin yuyaymanayniyuqmi, allin iñiyniyuqmi, kuyakuyniyuqmi hinaspa pacienciakuqmi.

Tito 2:2 Iomraidhean Croise

Jobwan Sutichasqa Libro 12:12

Yuyaqkunapim yachayqa tarikun, watankunam paykunamanqa yachayta qon.

Proverbios 16:31

Kawsakuyninpi allinta ruwaspa machuyaruq runapaqqa umanpi soqonkunapas corona hinam.

Isaías 65:20

Chayllaraq naceq wawakunapas chaypiqa manañam wañunqakuchu, yuyaqkunapas unaytam kawsakunqaku; pachak watayuq kachkaspa wañukuyqa warmallanpiraq wañukuy hinam kanqa; pachak watanman manaraq chayachkaspa wañukuyñataqmi ñakasqapaq hapisqa kanqa.

Levítico 19:32

Yuyaqkunapa qayllanpiqa sayarispam paykunata respetankichik, Diosnikitapas kasukunkitaqmi. Ñoqaqa Tayta Diosmi kani.

Marcos 5:15

Jesuspa kasqanman chayaruspankum demoniokunapa huntasqan runataqa allin pachasqata hinaspa yuyayninman kutisqataña tiyachkaqta tariykurqaku; chaymi llumpayta mancharikururqaku.

Lucas 8:35

Chaymi llapa runakuna imam pasakusqanta qawamunankupaq kallparqaku. Jesuspa kasqanman chayaruspankum, demoniopa huntasqan runataqa allin pachasqataña hinaspa yuyayninman kutisqataña Jesuspa waqtanpi tiyachkaqta tariykurqaku, hinaspam mancharikurqaku.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Romanos 12:3

Yachachinaypaq Dios churaykuwas-qanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyay-manaspayá sapakama tanteaychik, imaynam sapakamaman Diospa iñiy qosusqaykichikman hina.

1~Corintios 15:34

Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

1~Corintios 9:25

Kallpanankupaq preparakuqkunaqa tukuy mana allinninpaq kaqkunamantam waqaychakunku, chaynataqa ruwanku tukuruqlla premiota chaskinallankupaqmi, ñoqanchikmi ichaqa ruwachkanchik wiña-wiñaypaq premio chaskinanchikpaq.

2~Corintios 5:13

Loco hinapas kaniku Diospaqmi, yuyayniyuqpas kaniku qamkunapaqtaqmi.

Gálatas 5:23

llampu sonqolla kay hinaspa genionchik controlakuy. Kay allin ruwaykunapa contranpiqa manam ima leypas kanchu.

Filipenses 4:8

Wawqe-panillaykuna, tukuykunay-paqmi nimuykichik, kaykunapiyá yuyaymanaychik: Cheqap kaqpi, respetanapaq kaqpi, allin ruwaypi, mana huchallikuypi, allin rimaypi, imapas allin alabanapaq kaqpi.

1~Tesalonicenses 5:6

Chaynaqa, amayá wakinkuna hinachu puñusun, aswanqa rikchan-rikchanllayá kasun.

1~Tesalonicenses 5:8

Punchawmanta kaqkunaqa cuidakusunchik, soldadopa qasqon harkaqwan churakuq hinayá iñiyninchikwan chaynataq kuyakuyninchikwan harkachikusun, salvasqa kasqanchikyá harkawaqninchik casconchik kachun.

1~Timoteo 1:10

waqllikuqkunapaqmi, qaripura kakuqkunapaqmi, runamasin suwaqkunapaqmi, llullakuqkunapaqmi, yanqapas-yanqa Diospa sutin rimaqkunapaqmi hinaspa allin yachachikuykunapa contranpi kaqkunapaqmi.

1~Timoteo 1:14

Señorninchikmi kuyakuyninta ñoqaman achkanpi chaqchurimuwarqa hinaspam Jesucristopi kaq iñiytawan kuyakuyta qoykuwarqa.

1~Timoteo 1:2

Kuyasqay Timoteo rimaykamuykim, qamqa iñiypi cheqap churiymi kanki. Dios Taytanchikwan Señorninchik Jesucristoyá kuyakuynintawan hawkayayninta qampa hawaykiman chaqchurimuchun.

1~Timoteo 1:5

Kay kamachikuykunaqa cheqaptapuni kuyanakunanchikpaqmi, chay kuyanakuyqa hamun, chuya sonqomanta, allin concienciayuqmanta hinaspa cheqap iñiyniyuqkunamantam.

1~Timoteo 3:11

Warmikunapas kachunku, allin respetanapaq hina, ama cuento qepichu, imamantapas allin yuyaywan kawsakuq hinaspa tukuy imapas ruwayman churaq.

1~Timoteo 3:2

Iñiqku-namanta nanachikuqqa kanan: Mana pipapas anyananmi, huk warmiyuqllam, imamantapas controlakuqmi, allin yuyaywan imapas ruwaqmi, allichakuyninpas kanan allinmi, visitakuna allin chaskiykuqmi, allin yachachikuqmi,

1~Timoteo 3:4

Chayna runaqa wasinpi kaqkunatam allinta kamachinan, churinkunatam allinta yachachinan kasukuq hinaspa respetakuq kanankupaq.

1~Timoteo 3:8

Diaconokunapas kananku allin respetana runakunam, mana yanqakuna rimaqkunam, tomaykunapi mana purikuqkunam hinaspa mana yanqamanta qollqe ganay munaqkunam.

1~Timoteo 5:1

Amayá mayor señorkunataqa qaqchaychu, aswanqa taytaykita hinayá rimapayay, jovenkunatañataq wawqekikunata hina.

Tito 1:13

Chaykuna nisqanqa cheqappunim. Chaynaqa, as allinta qaqchay iñiyninkupi allinta sayanankupaq,

Tito 1:8

Payqa kanan: Wasinpi samaykachikuqmi, allin kaqkunata kuyaqmi, allin piensaqmi, allin arreglo ruwaqmi, Diosllapaqña sapaqchakuqmi hinaspa genionta controlakuqmi.

Tito 2:7

Tukuy ima ruwasqaykipipas qamraqyá ejemploqa kay. Yachachispaykiqa cheqapman hina respetowan yachachiy,

Filemón 1:9

ichaqa kuyakuywanmi ruegakamuyki. Ñoqa Pabloqa machuñam kani, kunanñataqmi Jesucristorayku preso kaspay

1~Pedro 1:13

Chaynaqa, listolla kaspayá imam ruwanaykichikmanta sumaqta yuyaymanaychik, rikchan-rikchanllayá kaychik Jesucristo rikurimuptin Diospa kuyakuyninman hina imam qosunaykichikta tukuy sonqoykichikwan suyaspa.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

2~Pedro 1:6

yachay-manñataq, genio controlayta; genio contro-laymanñataq, pacienciakuyta; pacienciakuymanñataq, Dios yupaychayta;