Tito 2:13 - CHUYA QELLQA La Biblia en Quechua de Ayacucho 2012

¹³ Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Quechua Ayacucho Bible 1987

¹³ Chaynataqa kawsananchik salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi, payqa ancha munayniyoq Diosmi.

Chuya Qellqa 1992

¹³ Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Tito 2:13 Iomraidhean Croise

Isaías 25:9

Chay punchawpim ninqaku: ¡Qawariychik, paymi Diosninchikqa! payllapi hapipakusqanchikraykum salvaykuwanchik, chaynaqa, salvawasqanchikraykuyá anchata kusikusun, nispanku.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Mateo 25:31

Runapa Churinmi kanchariyninpi llapa angelninkunawan kuska hamuspan kancharichkaq trononpi tiyaykunqa,

Mateo 26:64

Jesusñataqmi nirqa: Arí, qanmi nirunki. Ñoqapas nikichiktaqmi, kunanmantam runapa Churinta rikunkichik Tukuy Atiyniyuq Diospa alleqninpi tiyachkaqta hinaspa puyupi hamuchkaqta, nispa.

Marcos 14:62

Chaymi Jesusñataq nirqa: Arí, ñoqam kani. Qamkunam runapa Churinta rikunkichik Tukuy Atiyniyuq Diospa alleqninpi tiyachkaqta hinaspa hanaq pachamanta puyupi hamuchkaqta, nispa.

Marcos 8:38

Chaynaqa, pipas mana kasukuq huchasapa runakunapa qayllanpi ñoqamanta hinaspa palabraykunamanta penqakuqtaqa, runapa Churinpas paymantam penqakunqa. Chaynataqa ruwanqa angelninkunawan kuska Taytanpa atiyninpi kutimuspanmi.

Hechos 24:15

Ñoqapas paykuna hinam Diospi suyachkani allin runakunatawan mana allin runakunata hamuq punchawpi Dios kawsarichimunanta.

Romanos 15:13

Confianzawan suyasqanchik Dios-ninchikyá haykam paypi iñiqkunata kusikuywan hinaspa hawkayaywan huntaykusunkichik, chaynapi Chuya Espiritupa atiyninwan aswan-aswan confiakuspa suyanaykichikpaq.

Romanos 5:5

Diospi hapipakuyñataqmi paypi takyachiwanchik, Diosmi kuyakuyninta sonqonchikman huntaykuwarqanchik qowasqanchik Chuya Espirituntakama.

Romanos 8:18

Yachasqayman hinaqa, kunan tiempo ñakarisqanchikqa, manam imallapipas rikchakunchu hamuq punchawkunapi kancharichkaq kawsayta kikin Diospa qowananchikwanqa.

1~Corintios 1:7

Chaynapi Señorninchik Jesucristo rikurimunanta suyasqaykichikpi, Diospa qosusqaykichik mayqan atiyninpas mana pisisunaykichikpaq.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 1:5

chaytaqa ruwachkankichik hanaq pachapi churasqa premioykichikraykum, chaymantaqa cheqap allin noticia palabrantakamam uyarirqankichikña.

Colosenses 3:4

Qamkunapa kawsaynikichikqa Cristom, pay rikurimuptinmi qamkunapas paywan kuska kancharichkaqña rikurimunkichik.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

2~Tesalonicenses 2:8

Hinaptinmi chay millay runa rikurimunqa. Paytam Señorqa samayllanwan wañuchinqa, kancharistin rikurimuspanmi paytaqa chinkarachinqa.

1~Timoteo 1:1

Ñoqa Pablom Cristo Jesuspa apostolnin kani, salvaqninchik Dioswan hinaspa suyasqanchik Cristo Jesuspa kamachisqanman hina.

2~Timoteo 1:2

Kuyasqay churiy Timoteo, Dios Taytanchikwan Señorninchik Jesucristoyá kuyakuy-ninta, llakipakuyninta hinaspa hawkayayninta qampa hawaykiman chaqchu-rimuchun.

2~Timoteo 4:1

Munaychakuq hamuspan wañuqku-natapas kawsaqkunatapas juzgaq Señor Jesucristopa hinaspa Dios Taytapa qayllanpim kamachiki:

2~Timoteo 4:8

Chayraykum sapaqchapuwasqan corona suyawachkan chaytaqa allin arreglo ruwaq Señorninchikmi chay punchaw kutimuspan qowanqa, manataqmi ñoqallamanchu aswanqa kuyakuywan paypa kutimunanta suyaqkunamanwanmi.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Tito 1:4

Tito qamqa iñiypi churiymi kanki, Dios Taytanchikwan salvaqninchik Jesucristoyá kuyakuynintawan hawkayayninta qanman chaqchurimuchun.

Tito 3:4

Aswanqa salvaqninchik Diosmi sumaq sonqo kaynintawan kuyakuyninta runakunaman reqsichiwarqanchik.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.

1~Juan 4:14

Ñoqaykum rikurqaniku hinaspam willakuniku, Dios Taytam Churinta kachamurqa runakunata salvananpaq.

Judas 1:21

Diospa kuyakuyninpiyá waqaychakuychik, Señorninchik Jesucristopa wiñay kawsaypaq kuyapayakuyninta suyaspa.

Apocalipsis 1:7

Qawaychik, puyupim Cristo hamuchkan. Llapallan runakunam rikunqaku, rikunqakutaqmi espadawan tuksiqkunapas, kay pachapi llapallan runakunapas paymantam waqanqaku. Arí, chaynam kanqa. Amén.