Tito 2:12 - CHUYA QELLQA La Biblia en Quechua de Ayacucho 2012

¹² Diospa kuyakuyninmi yachachiwanchik, mana allinkunata saqespa hinaspa aychapa munayninta saqespa, chaynapi allin yuyaymanaywan, allin ruwaywan hinaspa Diospa munasqanman hinaña kay pachapi kawsananchikpaq.

Quechua Ayacucho Bible 1987

¹² Paymi yachaykachiwanchik paytaña servispa kay pachapi mana allin munapayaykuna qepanchakuyta chaynapi allinta piensaspaña, allinta ruraspaña hinaspa Diospa agradonpaqña kawsananchikpaq.

Chuya Qellqa 1992

¹² Diospa kuyakuyninmi yachachiwanchik, mana allinkunata saqespa hinaspa aychapa munayninta saqespa, chaynapi allin yuyaymanaywan, allin ruwaywan hinaspa Diospa munasqanman hinaña kay pachapi kawsananchikpaq.

Tito 2:12 Iomraidhean Croise

Ezequiel 36:27

Espirituyta qoykuspaymi decretoykunata cumplichisqaykichik, chaynapim kamachikuyniykunatapas kasukunkichik.

Mateo 12:32

Pipas runapa Churinpa contraypi rimaqqa pampachasqam kanqa, Chuya Espiritupa contranpi rimaqmi ichaqa mana pampachasqachu kanqa, kay tiempopipas nitaq hamuq tiempopipas.

Mateo 16:24

Chaymantam discipulonkunata nirqa: Pipas qatiwayta munaspaqa amaña kikillanpaq kawsaspayá cruzninta qepikuykuspa qatiwachun.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Lucas 1:6

Paykunaqa warmi-qarim Diospa qayllanpi allin ruwaq runakuna karqaku. Diospa kamachikuyninkunatapas lliwtam kasukuqku.

Lucas 1:75

Diosllapaqña kawsaspa, allin kaqkunata ruwaspa payllapaqña sapa punchaw kawsananchikpaq.

Juan 14:30

Qamkunawanqa manañam unay-ñachu rimasaq, ñam hamuchkanña kay pachapi kamachikuq. Payqa manam imaniraqllatapas ñoqamantaqa munaychakunchu.

Juan 6:25

Chimparuspankum Jesusta lamar qochapa waklaw patanpi tarirurqaku, hinaspam nirqaku: Yachachikuq, ¿haykapitaq kayman hamurqanki? nispanku.

Hechos 24:16

Chayraykum Diospa qayllanpipas hinaspa runakunapa qayllanpipas concienciaypa mana acusasqan kawsakuyta munani.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Romanos 12:2

Kay tiempopi runakunapa ruwasqantaqa ama qatipakuychikchu, aswanqa yuyaymanaynikichiktayá allinmanña tikraychik, chaynapi kawsaynikichik musoqña kananpaq. Chaynata kaw-saspam yachankichik imaynam Diospa munayninman hina hinaspa mana pantaspa paypaq hina kawsayta.

Romanos 6:12

Chaynaqa, amayá wañuruqlla cuerpoykichikpi hucha munaychakunantaqa saqeychikchu, nitaq mana allin munayninkunatapas kasuychikchu.

Romanos 6:19

Runa hinallam rimani, pisi iñiyniyuqllaraq kasqaykichikrayku. Imaynam ñawpaqta qanrakuspa mana allinllapi purinaykichikpaq cuerpoykichikta qorqankichik, chaynayá kunanpas cuerpoykichikta qoychik allintaña ruwaspa Diosllapaqña kawsanaykichikpaq.

Romanos 8:13

Aychaman hinalla kawsaspaykichikqa wañunkichikmi; Chuya Espirituman hina aychapa ruwayninkunata wañuchispam ichaqa kawsankichik.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

Gálatas 1:4

Dios Taytanchikpa munasqanman hinam kikin Señorninchik Jesucristo ñoqanchikpa huchanchikmanta wañupuwarqanchik, chaynapi millay huchamanta librawananchikpaq.

Gálatas 5:24

Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Colosenses 1:22

Chaynaqa, karun Cristopa runa kayninpi wañus-qallanwanmi. Payqa wañurqa chuyanchasqata, mana qachayuqta hinaspa pasaypaq mana huchayuqtaña Diospa qayllanman pusaykusunaykichikpaqmi

1~Tesalonicenses 4:7

Diosqa manam millakuypaq hucha ruwaypi purinapaqchu qayawarqanchik, aswanqa payllapaqña kawsanapaqmi.

1~Tesalonicenses 4:9

Wawqe-panintin kuyanakuymanta qellqamunaykutaqa manañam nece-sitankichikñachu, Diosqa ñam yachachi-surqankichikña imaynam kuyanakunay-kichikmantaqa.

1~Timoteo 4:12

Jovenraq kasqaykiraykuqa ama piwanpas despreciachikuychu, aswanqa iñiqkunapa ejemployá kay: Rimaynikipi, allin kawsaynikipi, kuyakuynikipi, iñiynikipi chaynataq chuya sonqo kaynikipipas.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

1~Timoteo 6:9

Apuyaylla munaqkunaqa tentachikuspam trampaman hina mana valeq kaqkunallaman wichiykunku, chaykunaqa apakun llakillamanmi hinaspa wañuyllamanmi.

2~Timoteo 3:12

Cheqaptaqa Cristo Jesuspa munasqanman hina kawsayta munaqqa qatikachasqam kanqa.

2~Timoteo 4:10

Demaspas kay pachapi kaqkunallata kuyaruspanmi saqeruwan, hinaspam Tesalónica llaqtaman ripukun. Crescentem Galacia lawman pasan, Titoñataqmi Dalmacia lawman pasan.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

Hebreos 8:11

Manañam pipas runamasinta nitaq wawqentapas yachachinqachu: “Señorta reqsiy” nispaqa. Warmakunapas, yuyayniyuqkunapas llapallankum reqsiwanqaku.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.

2~Pedro 2:9

Señorqa yachanmi, sasachakuykunamanta serviqninkuna libraytaqa, mana allin runakunatañataqmi ñakarichisparaq juicio punchawpaq waqaychachkan.

2~Pedro 3:11

Sichum tukuy imakunapas chayna chinkachisqa kanan kachkaptinqa, ¿imanasqamá manaqa chuya sonqochu kawsachwan?

1~Juan 2:27

Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.

1~Juan 2:6

“Dioswanmi hukllaña kachkani” niqqa Jesucristopa kawsasqanman hinam purinan.

1~Juan 5:19

Yachanchikmi Diospaña kasqanchikta chaynataq kay pachapi kaqkunaqa diablopa makinpiña kasqantapas.

Judas 1:18

Paykunam kaynata nisurqankichik: Qepa punchawkunatam kanqa burlakuspa aychankupa munayninman hina tukuy rikchaq huchapi puriq runakuna.

Apocalipsis 14:12

Kaypim qawachikun Diosllapaqña kawsaqkunapa takyaynin, kamachikuynin kasukuqkuna hinaspa Jesuspi iñiqkunapa pacienciakuyninku, nispa.