Tito 1:9 - CHUYA QELLQA La Biblia en Quechua de Ayacucho 2012

⁹ Payqa cheqap yachachikuykuna chaskisqaman hapipakuqmi kanan, chaynapi wakinkunatapas cheqap kaqkunata yachachispa kallpanchananpaq hinaspa chay yachachikuypa contranpi rimaqkunatapas upalla-chinanpaq.

Quechua Ayacucho Bible 1987

⁹ Payqa waqaychananmi chaskisqa cheqap yachachikuykunatapas chaynapi wakinkunatapas allin kaqkunata yachachispa kallpanchananpaq hinaspa chay yachachikuypa contranpi rimaqkunatapas upallachinanpaq.

Chuya Qellqa 1992

⁹ Payqa cheqap yachachikuykuna chaskisqaman hapipakuqmi kanan, chaynapi wakinkunatapas cheqap kaqkunata yachachispa kallpanchananpaq hinaspa chay yachachikuypa contranpi rimaqkunatapas upallachinanpaq.

Tito 1:9 Iomraidhean Croise

Jobwan Sutichasqa Libro 2:3

Hinaptinmi Tayta Dios nirqa: ¿Yaqachum rikumurqanki serviqniy Jobta? Kay allpa pachapiqa manam pipas pay hinaqa kanchu mana huchallikuspa munasqayman hina ruwaqqa, payqa kasuwaspam ima mana allinkunamantapas sapaqchakun. Yanqapuni paypa kapuqninkunata tukurachiwachkaptikipas hinallam payqa mana huchayuq kachkan, nispa.

Jobwan Sutichasqa Libro 27:6

Allin ruwaq kasqaymantaqa mana hukmanyaspam rimarikusaq, kawsanaykamaqa sonqoypipas manam ñakakusaqchu.

Proverbios 23:23

Cheqap kaqtawan yachayta rantiy, yachachikuytawan yuyayniyuq kayta rantiy, hinaspa ama rantikuychu.

Hechos 18:28

Atiywan llapa runakunapa qayllanpi rimaspanmi judiokunata pantaypi kasqankuta qawachirqa. Qellqaman hina qawachispantaqmi Jesusqa suyasqanku Cristo kasqanta reqsichirqa.

1~Corintios 14:24

Sichum llapallanku profetizachkaptinku manaraq iñikusqa runa otaq manaraq yachaq runa yaykuramuptinqa, llapallankum chay runapa huchanta qawachispa convencechinqaku.

1~Tesalonicenses 5:21

Tukuy ima profetizasqankutapas pruebaspayá allin kaqta waqaychaychik,

2~Tesalonicenses 2:15

Chaynaqa, wawqe-panillaykuna qaqa hinayá takyaychik, simiykuwan hinaspa cartaykuwan yachachimusqaykuta allinta waqaychaspa.

1~Timoteo 1:10

waqllikuqkunapaqmi, qaripura kakuqkunapaqmi, runamasin suwaqkunapaqmi, llullakuqkunapaqmi, yanqapas-yanqa Diospa sutin rimaqkunapaqmi hinaspa allin yachachikuykunapa contranpi kaqkunapaqmi.

1~Timoteo 1:15

Kay palabraqa cheqapmi, lliwmi chaskispa iñinanchik, Jesucristom kay pachaman hamurqa huchasapakuna salvananpaq, paykunamantaqa aswan huchallikuqmi kani.

1~Timoteo 1:19

Iñiynikitawan sonqoykitayá allinta takyachiy, wakinqa concienciankuta mana kasuspam yakupi heqepachkaq hina iñiyninkuta chinkarachinku.

1~Timoteo 4:9

Kay palabraqa cheqapmi, chaymi lliw runakuna chaskinanku.

1~Timoteo 6:3

Sichum pipas yachachinqa hukniraq yachachikuyta, manataq Señorninchik Jesucristopa yachachikuyninman hinachu nitaq cheqap yachachikuyman hinachu

2~Timoteo 1:13

Ñoqamanta allin yachachikuy chaskisqaykiman hinayá iñiypi Cristo Jesuspa kuyakuyninpi kawsay.

2~Timoteo 2:2

Achka runakunapa qayllanpi uyariwasqaykita, iñiyninpi allin takyaq runa-kunaman yachachiy, chaynapi paykunapas hukkunaman yachachinankupaq.

2~Timoteo 2:25

Mana kasukuqkunatapas llampu sonqolla-wanmi corregiykunan, icharaqpas wana-kunanpaq Dios tiempota qoykunman, chaynapi cheqap kaqta reqsinankupaq,

2~Timoteo 3:14

Qamyá ichaqa qaqa hina sayaspa yachasqaykikunata umaykipi waqay-chay, qamqa yachankim pikunam yachachisusqaykitapas.

2~Timoteo 4:3

Chayamunqam tiempokuna allin yacha-chikuykunata manaña chaskinankupaq, paykunaqa achkallaña yachachikuqkunata huñukuruspankum aychankuman hina munasqallankutaña uyarinqaku.

Tito 1:11

Chayna runakunataqa upallachinapunim, paykunaqa yanqamanta qollqella ganayta munaspankum pantaykunata yachachispanku achka ayllukunataña chaqwarunku.

Tito 2:1

Qamqa cheqap yachachikuyman hinayá yachachiy.

Judas 1:3

Kuyasqallaykuna, maynatam munarqani salvación chaskisqanchikmanta qellqamuyta. Kunanmi ichaqa necesario kasqanrayku qellqamuykichik: Qamkunatam kallpanchamuykichik iñiy chaskisqanchikta allinta nanachikunaykichikpaq, chay iñiytaqa Diosmi huk kutillata chuya llaqtanman wiñaypaq qowarqanchik.

Apocalipsis 2:25

Ichaqa imam kapusuqnikichiktam kutimunaykama hatallinaykichik.

Apocalipsis 3:11

Chayllam hamusaq. Kapusuqnikitayá takyachiy coronaykita mana pipas qechusunaykipaq.

Apocalipsis 3:3

Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.