Tito 1:3 - CHUYA QELLQA La Biblia en Quechua de Ayacucho 2012

³ hinaspa imam tiemponpi, allin noticia willakuynintakama palabran willakusqa kananpaq, chayta willakunaypaqmi salvaqninchik Dios ñoqata kamachiwarqa.

Quechua Ayacucho Bible 1987

³ Chaytam munasqan tiempokunapi salvaqninchik Dios kikinmanta yachachiwarqanchik, ñoqatam kamachiwarqa chaykunamanta willakunaypaq.

Chuya Qellqa 1992

³ hinaspam imam tiemponpi, allin noticia willakuynintakama palabran willakusqa kananpaq, chayta willakunaypaqmi salvaqninchik Dios ñoqata kamachiwarqa.

Tito 1:3 Iomraidhean Croise

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 45:15

Cheqaptapunipas qamqa mana rikuna Diosmi kanki, qamqa Israel llaqtapa salvaqnin Diosmi kanki.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Daniel 11:27

Chay iskay reykunaqa mana allin ruwanakuyllapi piensaspankum huk mesallapi tiyaykuspanku llullakunallata ninakunqaku, ichaqa yanqapaqmi chaykunata rimanakunqaku, Diospa nisqan tiempo manaraq chayamusqanrayku.

Daniel 8:23

Chay tawa kamachikuqkunapa munaychakuynin tukuykuchkaptinmi, chaynataq mana kasukuqkunapa tukuy mana allin ruwasqanku pasaypaqña rikuriruptinmi, llumpay hatun tukuq hinaspa sakri-sakri rey hatarimunqa.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Marcos 1:15

Tiempom chayaramunña, Diospa munaychakuyninmi hichparamunña, huchaykichikmanta wanakuspaykichik Diosmanta allin noticiata chaskikuychik, nispa.

Marcos 13:10

Manaraq kay tiempo tukuchkaptinmi kay evangelio lliw nacionkunapi willakusqa kanqa.

Marcos 16:15

Chaymi paykunata Jesús nirqa: Tukuy hinastinman rispaykichik kay evangeliota llapa runakunaman willakamuychik.

Lucas 1:47

espirituypas Salvaqniy Diospim kusikun.

Hechos 10:36

Diosmi Israelpa mirayninkunaman allin noticiata willa-chirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

Hechos 17:26

Huk runallamantam tukuy hinastinpi kaq nacionkunata mirachirqa, chaynapi lliw kay pachapi yachanankupaq; paymi hayka watam kawsanankutapas señalarqa, chaynataq maypim yachanankutapas,

Romanos 15:19

Paypunim señalkunata hinaspa milagrokunata Chuya Espiritupa atiyninwan ruwachiwarqa. Chaymi Cristomanta allin noticiakunata tukuy hinastinpi willakurqani, Jerusalenmanta qallaykuspay Ilírico lawkama.

Romanos 16:25

Jesucristomanta allin noticiakunata willaspay yachachisqayman hina Diosninchik qaqata hina takyachisunkichik. Kaykunaqa kachkan ñawpaqmantaraq pakasqa kaqkunata kunan reqsichiwasqanchikman hinam. Chaynaqa, ¡payllatayá yupaychasun!

Romanos 16:26

Kunanqa profetakunapa qellqasqanwanmi llapallan nacionkunaman qawachisqaña kachkan. Chaymi wiña-wiñaypaq kawsaq Dios kamachiptin llapallan nacionkunapipas kay allin noticiataqa yachankuña, iñikuspa kasukunankupaq.

Romanos 5:6

Salvakuyta mana atichkaptinchikmi Diospa akllasqan tiempo chayaramuptin ñoqanchik huchasapakunapa rantinchikpi Cristo wañurqa.

1~Corintios 9:17

Chayraykum kikillaymanta ruwaptiyqa premioy kapuwanqa, sichum mana voluntadwan ruwaspayqa Diospa kamachisqallantam ruwachkani.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.

Efesios 1:10

Chaykunapi ruwananpaq tiempo chayaramuptinmi kay pachapi kaqkunatapas chaynataq hanaq pachapi kaqkunatapas llapallanta Dios hukllawanqa, chaykunata munaychakunanpaqmi Cristota churanqa.

Efesios 2:17

Cristom hamuspan hawkayay allin noticiata willasurqankichik, Diosmanta karupi kaqkunamanpas chaynataq hichpapi kaqkunamanpas.

Filipenses 1:13

Chayraykum palaciopi kaq lliw soldadokunapas chaynataq wakin runakunapas Jesucristorayku preso kasqayta yacharunku.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:6

Chay palabraqa qamkunamanwan hinaspa lliw kay pachapi runakunamanmi chayamurqa, hinaspam allinta ruruspan tukuy hinastinpi mirachkan, chaynaqa kachkan uyarisqaykichik hinaspa Diospa kuyakuynin chaskisqaykichik punchawmantaraqmi.

1~Tesalonicenses 2:4

Chaynapim Diosqa allinpaq chaskiwaspanku allin noticiata willakunaykupaq churawarqaku, chaymi willakuchkaniku. Manam runakunapa munasqan ruwaytachu munachkaniku, aswanqa Diospa munasqantam, paymi sonqoyku pruebaqqa.

1~Timoteo 1:1

Ñoqa Pablom Cristo Jesuspa apostolnin kani, salvaqninchik Dioswan hinaspa suyasqanchik Cristo Jesuspa kamachisqanman hina.

1~Timoteo 1:11

Chay allin yachachikuyqa yupaychasqanchik Diospa kunawasqan ancha allin noticiam.

1~Timoteo 2:3

Kayqa allinpunim hinaspa salvaqninchik Diospa allinpaq qawasqanmi.

1~Timoteo 4:10

Chayraykum ñakaristinpas llamkanchik wiñay kawsaq Diosninchikpi hapipakuspa. Payqa llapa runapa salvaqninmi, ichaqa tukuymanta llalliqtaqa haykam iñiqkunatam salvan.

2~Timoteo 4:17

Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa.

Tito 2:10

ama imantapas suwakuspayá confianza runakuna kachunku chaynata ruwaspam salvaqninchik Diospa yachachikuyninkunata vidankuwan tukuy imapi sumaqllataña qawachinqaku.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Apocalipsis 14:16

Puyupa hawanpi tiyaqmi rutunanwan kay pachata rutururqa, hinaptinmi kay pachapi cosechaqa huñusqaña karqa.