Tito 1:2 - CHUYA QELLQA La Biblia en Quechua de Ayacucho 2012

² chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Quechua Ayacucho Bible 1987

² hinaspa wiñay kawsay confianzawanña suyanankupaq. Chaytaqa mana llullakuq Diosmi prometekurqaña una-unay ñawpaqmantaraq.

Chuya Qellqa 1992

² chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Tito 1:2 Iomraidhean Croise

Isaías 1:20

Mana kasuwaspaykichikmi ichaqa guerrawan tukusqa kankichik. Tayta Diosmi chaynata nin.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Mateo 25:46

Paykunam wiña-wiñaypaq castigoman rinqaku, allin ruwaqkunañataqmi wiña-wiñay kawsakuyman rinqaku, nispan.

Marcos 10:17

Pasakunanpaqña Jesús kachkaptinmi, huk runa kallpaylla hamururqa, hinaspam ñawpaqninpi qonqorakuykuspan nirqa: Allin yachachikuq, ¿imatataq ruwasaq wiñay kawsayta haypanaypaq? nispa.

Marcos 10:30

qatikachasqa kaspapas, kay tiempollapiraqmi pachak kuti masta chaskinqa wasikunata, wawqenta, paninta, turi-ñañanta, taytanta, mamanta, churinkunata hinaspa chakrankunatapas; hamuq tiempopiñataqmi wiñay kawsayta chaskinqa.

Juan 10:28

Ñoqam paykunaman wiñay kawsayta qoni chaymi paykunaqa mana haykapipas chinkanqakuchu, manataqmi pipas makiymantaqa qechuwanqachu.

Juan 17:2

Qanmi atiyta qowarqanki llapallan runapi munaychakunaypaq, chaynapi qowasqayki llapallan runakunaman wiñay kawsayta qonaypaq.

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Juan 5:39

Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun

Juan 6:54

Pipas aychayta mikuspa yawarniyta tomaqqa wiñay kawsayniyuqmi, ñoqañataqmi tukupay punchawpi kawsarichimusaq.

Juan 6:68

Hinaptinmi Simón Pedroñataq nirqa: Señor, ¿pimantaq risaqku? Qampa rimasqaykiqa wiñay kawsay qokuqmi.

Hechos 15:18

Ñawpaqmantaraq kaykunata reqsichiq Diosmi chaynata nin”, nispa.

Romanos 1:2

Chaytam profetankunatakama ñawpaqmantaraq Dios prometekurqa Chuya Qellqapi.

Romanos 16:25

Jesucristomanta allin noticiakunata willaspay yachachisqayman hina Diosninchik qaqata hina takyachisunkichik. Kaykunaqa kachkan ñawpaqmantaraq pakasqa kaqkunata kunan reqsichiwasqanchikman hinam. Chaynaqa, ¡payllatayá yupaychasun!

Romanos 2:7

Haykam allin ruwaypi takyaspa alabasqa kayta, hatunchasqa kayta hinaspa mana haykapipas wañuyta maskaqkunamanmi wiñay kawsayta qonqa.

Romanos 5:2

Iñisqanchikraykum Jesucristontakama Diosman asuykunchik hinaspa kuyakuyninwan allinta takyachkanchik. Hinaspataqmi kusikuchkanchik Diosman rikchakuq kancharichkaq suma-sumaq kananchikta confianzawan suyaspa.

Romanos 5:21

Imaynam huchaqa wañuyta aparamuspan munaychakurqa, chaynam Diospa kuyakuyninpas mana huchayuqtaña ruwawaspanchik munaychakurqa, Jesucristontakama wiñay kawsakuyta qowaspanchik.

Romanos 5:4

pacienciakuyñataqmi allinpaq hapisqa kayta, allinpaq hapisqa kayñataqmi Diosman hapipakuyta;

Romanos 6:23

Huchapa pagonqa wañuymi, Diospa qowasqanchikmi ichaqa Señor-ninchik Jesucristowan kuska wiñaypaq kawsakuy.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

1~Tesalonicenses 2:15

Chay judiokunam Señor Jesusta hinaspa profetakunata wañurachirqaku, ñoqaykutapas qarqoruwarqakum, paykunaqa manam Diospa munasqanman hinachu kawsanku, lliw runakunapa contranpim kachkanku,

1~Tesalonicenses 5:8

Punchawmanta kaqkunaqa cuidakusunchik, soldadopa qasqon harkaqwan churakuq hinayá iñiyninchikwan chaynataq kuyakuyninchikwan harkachikusun, salvasqa kasqanchikyá harkawaqninchik casconchik kachun.

1~Timoteo 6:12

Allin peleachkaq hinayá iñisqaykipi kallpanchakuy wiñay kawsayta haypanaykipaq. Chaypaqmi Dios qayasurqanki, iñisqaykimantapas willakurqankiñam achka testigokunapa qayllanpi.

1~Timoteo 6:19

Chaynapim hamuq tiempopaq llapa imankunapas taqesqa hina kanqa, hinaspam cheqap wiñay kawsayta haypanqaku.

2~Timoteo 1:1

Ñoqa Pablom Diospa munasqanman hina Cristo Jesuspa apostolnin kani. Imaynam Cristo Jesuspi kawsay chaskisqanchikman hina.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

2~Timoteo 2:10

Chaymi akllasqankunata kuyasqayrayku tukuyta ñakarispay aguantachkani, chaynapi paykunapas Cristo Jesusnintakama salvakuspanku wiñay kawsayta haypanankupaq.

2~Timoteo 2:13

sichum payta qepanchakurusun, paymi ichaqa mana qepanchakuwasunchu, payqa imam nisqantapas manam negakunmanchu.

2~Timoteo 2:15

Kallpanchakuyá Diospa chaskisqan kanaykipaq, allin llamkaq hinayá mana imamantapas penqakuspa Diospa cheqap palabranta allinta yachachiy.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Tito 2:7

Tukuy ima ruwasqaykipipas qamraqyá ejemploqa kay. Yachachispaykiqa cheqapman hina respetowan yachachiy,

Tito 3:7

Kuyawaspanchikmi payqa mana huchayuqtaña chaskiykuwanchik, chaynapi confianzawan suyasqanchik wiñay kawsayta chaskinanchikpaq.

1~Juan 2:25

Cristopa prometewasqanchikqa wiñay kawsaymi.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

Judas 1:21

Diospa kuyakuyninpiyá waqaychakuychik, Señorninchik Jesucristopa wiñay kawsaypaq kuyapayakuyninta suyaspa.

Apocalipsis 13:8

Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.

Apocalipsis 17:8

Chay manchakuypaq animal rikusqaykiqa ñawpaq kaqmi, kunanqa manam kanñachu, chay animalqa uku pachamanta lloqsimunanpaq hinañam kachkan, chaynapi wiñaypaq wañuyman rinanpaq. Kay pachapi runakunañataqmi chay ñawpaq kaq manchakuypaq animalta qawaykuspanku admirakunqaku, paykunaqa kay pacha unanchasqa kasqanmantapuni wiñay kawsay libropi sutinku mana qellqasqakunam. Chay manchakuypaq animalqa ñawpaq kaqmi karqa, kunanqa manam kanñachu, ichaqa kutimunqam.

1~Samuel 15:29

Israelpa Tukuy Atiyniyuq Diosninqa manam llullakunchu, manataqmi imamantapas ñakakunmanchu, payqa manam runachu wanakunanpaqa, nispa.