Tito 1:11 - CHUYA QELLQA La Biblia en Quechua de Ayacucho 2012

¹¹ Chayna runakunataqa upallachinapunim, paykunaqa yanqamanta qollqella ganayta munaspankum pantaykunata yachachispanku achka ayllukunataña chaqwarunku.

Quechua Ayacucho Bible 1987

¹¹ Paykunataqa upallachinapunim, paykunaqa yanqamanta qollqella ganayta munaspankum mana yachachinankuta yachachispanku achka familiakunataña chaqwarunku.

Chuya Qellqa 1992

¹¹ Chayna runakunataqa upallachinapunim, paykunaqa yanqamanta qollqella ganayta munaspankum pantaykunata yachachispanku achka ayllukunataña chaqwarunku.

Tito 1:11 Iomraidhean Croise

Jeremías 8:10

Chayraykum warminkutapas hukmanña qoykusaq, chakrankutapas hukmanñam qoykusaq. Paykunaqa hatunpas taksapas apuyaruyllatam maskanku, profetawan sacerdotekunapas engañakuqllañam rikurirunku.

Ezequiel 13:19

Qamkunam huk aptay cebadallapaq hinaspa parten tantallapaq llaqtaypa qayllanpi sutiyta penqayman churankichik; wañunanpaq kaqkunatam “manam wañunkichu” ninkichik, kawsananpaq kaqkunatañataqmi “wañunkipunim” ninkichik. Chaynatam llaqtayta engañankichik, llaqtayñataqmi llullakusqaykichikta uyarin.

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Miqueas 3:5

Llaqtanta pantayman apaq profetakunapa contranpim Tayta Dios kaynata nin: Paykunam mikuy qoqninpaq hawkayayta profetizanku, mana mikuy qoqninpaqñataqmi sasachakuyta.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Lucas 20:40

Chayraykum manaña mastaqa tapurqakuñachu.

Juan 10:12

Pagollapaq michiqmi ichaqa, atoq hamuptinpas ovejakunata saqeruspan ayqekun; payqa mana michiqninku kasqanrayku, nitaqmi ovejakunapas paypachu. Chaymi ovejakunatapas atoq hapiruspan cheqerachin.

Romanos 3:19

Yachanchikmi leypa nisqanqa leyman hina kawsaqkunapaqmi qosqa karqa, chaynapi siminku wichqasqa kananpaq hinaspa llapallan runakuna Diospa juzgasqan kanankupaq.

2~Corintios 11:10

Ñoqapi kaq Cristopa cheqap palabranraykum nikichik: Acaya lawpipas kay alabakusqaymantaqa manam upallachiwanqakuchu.

1~Timoteo 5:13

Mana imapas ruwananku kaptinmi wasin-wasin purinmanku, cuento qepi rikuriruspankum yanqakunaman chapukunmanku mana rimanakunata rimaspa.

1~Timoteo 5:4

Sichum huk viudapa kanman wawan otaq willkanpas, hinaspaqa paykunayá puntata wasinpi kaqkunapaq allin ruwayta yachachunku, tayta-mamanmanyá uywasqanmanta kuyakuywan kutichichun. Chayna ruwayqa Diosninchikpa allin qawasqanmi kanqa.

1~Timoteo 6:5

millay pensamientoyuq runakunapa atipanakuyninkuna, cheqap kaq mana yachaykuna, Diosta servispayqa apuyarusaqmi niykuna. [Chaykunamanta karunchakuy]

2~Timoteo 2:18

Paykunam cheqak kaqta saqeruspa: “Wañuqkunaqa ñam kawsarirunkuña” nispanku wakin iñiqkunatapas pantachihchkanku.

2~Timoteo 3:6

Chayna runakunaqa wasin-wasin purispam huchasapa warmikunata engañanku, chay warmikunaqa tukuy rikchaq munapayaykunapa intusqanmi kachkanku.

Tito 1:7

Iglesiapi nanachikuq ancianoqa Diospa mayordomon kasqanraykum kanan: Mana pipapas anyanan, mana hatun tukuq, mana piñakuq, upyaypi mana purikuq, mana piwanpas peleakuq, mana qollqella kuyaq.

Tito 1:9

Payqa cheqap yachachikuykuna chaskisqaman hapipakuqmi kanan, chaynapi wakinkunatapas cheqap kaqkunata yachachispa kallpanchananpaq hinaspa chay yachachikuypa contranpi rimaqkunatapas upalla-chinanpaq.

Tito 3:10

Iñiqkunata umachaspa rakinakuy-man apaq runataqa iskay-kimsa kutikama anyaptiki mana uyarikuptinqa qar-qoruy.