Sofonías 3:5 - CHUYA QELLQA La Biblia en Quechua de Ayacucho 2012

⁵ Tayta Diosmi ichaqa chawpinkupi allinllata ruwan, mana allintaqa manam ruwanchu, Payqa sapa achikyaqtam kamachikuyninkunata rimarin. Mana allin runam ichaqa mana penqakuq qara uya.

Quechua Ayacucho Bible 1987

⁵ Chawpinkupi kaq Tayta Diosmi ruran allin kaqkunataqa. Payqa manapunim ruranchu mana allin kaqkunataqa. Payqa sapa punchawmi allin arreglokunata ruran. Payqa sapa madrugawmi mana faltakuspan ruran. Mana allin runam ichaqa mana penqakuspaña ruran.

Chuya Qellqa 1992

⁵ Tayta Diosmi ichaqa chawpinkupi allinllata ruwan, mana allintaqa manam ruwanchu, Payqa sapa achikyaqtam kamachikuyninkunata rimarin. Mana allin runam ichaqa mana penqakuq qara uya.

Sofonías 3:5 Iomraidhean Croise

Génesis 18:25

Tukuy kay pachapa Juezninmi qamqa kanki, chaynaqa ¿Manachum allin kaqta ruwawaq? Amayá allin ruwaqta mana allin ruwaqtawan kuskataqa puchukarachiychu, nispa.

Jobwan Sutichasqa Libro 34:10

Chaynaqa, yachayniyuq runakuna uyariwaychik. Mana allin ruwayqa Diosmanta karunchasqayá kachun, mana allin arreglo ruwayqa Tukuy Atiyniyuq Diosmanta karunchasqayá kachun.

Jobwan Sutichasqa Libro 7:18

¿Pitaq runaqa karqa sapa tutapayta watukunaykipaqqa? ¿Pitaq runaqa karqa ñataq-ñataq pruebanaykipaqqa?

Jobwan Sutichasqa Libro 8:3

Tukuy Atiyniyuq Diosqa juzgaspanqa, allin arreglo ruwaytaqa manam qewinchu.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 28:19

Tutapas punchawpas rikurimuspam, sapa kutilla rikurimuspam haypasunkichik; uyarisqaykichikta yachaykuyllapas qamkunapaqqa paqway manchakuypaqmi kanqa.

Isaías 33:2

Dios Taytallayku, qamllapi suyasqaykuraykuyá llakipayariykullawayku, qamyá sapa tutapayta kallpanchaykuwayku, sasachakuyniyku punchawpiyá salvaykuwayku.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Isaías 50:4

Tayta Diosmi yachachiwarqa, pisipasqakunata sumaq rimaykunawan kallpanchanaypaq, sapa tutapaytam rinrillayta kichaykun, imam rimasqanta allinta uyarinaypaq.

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Jeremías 6:15

Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Jeremías 8:12

Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Lamentaciones 3:23

Paypa kuyapayakuyninqa sapa tutapaytam musoqlla, mayna hatunmi cheqap kayninpas, nispa.

Ezequiel 18:25

Ichapas qamkuna niwankichikman: “Señor, qamqa manam allin arregloman hinachu juzgachkanki”, nispaykichik. Chaynaqa, Israelpa mirayninkuna uyariwaychik: Ñoqaqa allin arregloman hinam ruwachkani. Qamkunam mana allintaqa ruwachkankichik.

Ezequiel 48:35

Chay llaqtapa muyuriqninpi murallam kanqa isqon kilómetro sayayniyuq. Chay punchawmantam chay llaqtapa sutin kanqa: “Jehová-sama”.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Oseas 6:5

Chayraykum qamkunataqa profetaykunawan qaqchachirqaykichik, rimayniywanmi wañuchirqaykichik. Justicia ruwayniyqa achkiy hinam lloqsimunqa.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Miqueas 7:9

Tayta Diospa contranpi huchallikurusqayraykum piñakuynintapas aguantasaq, chaykamam imam ruwasqaymanta juzgawaspan allin arreglota ruwawanqa. Payqa achkiymanmi hurqowanqa, allin ruwaynintam qawaykachiwanqa.

Habacuc 1:3

¿Imanasqataq huchallikuytawan ñakariyllata qawachiwanki? Wañuchinakuywan tuñichinakuyllam munaychakuchkan, piñanakuywan wañuchinakuyllañam tukuy hinastinpi kachkan.

Sofonías 2:1

Mana penqakuq runakuna, huñunakuspa yuyaymanaychik,

Sofonías 3:13

Israelpi puchuqkunapas manañam mana allintaqa ruwanqakuñachu, nitaqmi llullakunqakuñachu, manañam pitapas engañanqakuchu. Michisqa kaspankum hawkaña samakunqaku, manchachiqninkupas manañam kanqañachu, nispa.

Sofonías 3:15

Tayta Diosmi castigasunaykipaq rimarisqanta suchurachin, enemigoykikunatam qarqorun. Israel llaqta, reyniki Tayta Diosmi chawpikipi tarikun, manañam imamantapas manchakunkiñachu.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Zacarías 2:5

Tayta Diosmi kaynata nin: Ñoqam Jerusalenpa muyuriqninpi lenwachkaq nina murallan kasaq, hinaspaymi chawpinpi atiyniyta qawachikusaq, nispa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Lucas 12:2

Imapas pakasqa kaqkunaqa qawachisqam kanqa, chaynataqmi mana yachasqa kaqkunapas yachasqataq kanqa.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

Romanos 3:26

Kunanmi ichaqa huchanchikkunata pampachawaspanchik haykam Jesusman iñikuqkunata mana huchayuqpaqña Dios chaskiwanchik. Chaynapim justo kasqanta qawachiwanchik.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

Deuteronomio 23:14

Señornikichik Tayta Diosmi campamentoykichikpi purichkan, waqaychasuspaykichik enemigoykichikta vencechisunaykichikpaq, chayraykum campamentoykichikqa chuyanchasqa kanan, mana chayqa Diosmi qamkuna ukupi ima qachatapas rikuspan qamkunamanta asurikunman.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.