Sofonías 3:4 - CHUYA QELLQA La Biblia en Quechua de Ayacucho 2012

⁴ Profetankunapas hatun tukuq hinaspa iskay uya llullakunam, sacerdotenkupas Diospa altarnintam qachacharunku, Diospa kamachikuynintam saruparunku.

Quechua Ayacucho Bible 1987

⁴ Pay tukuspa traicionakuqllañam kachkan Diosmanta willaqninkupas. Diospaq sapaqchasqa kaqkunatam millakuypaqtaña rurachkan sacerdotenkupas. Panta-pantallatañam rurachkanku Diospa yachachikuynintapas.

Chuya Qellqa 1992

⁴ Profetankunapas hatun tukuq hinaspa iskay uya llullakunam, sacerdotenkupas Diospa altarnintam qachacharunku, Diospa kamachikuynintam saruparunku.

Sofonías 3:4 Iomraidhean Croise

Isaías 9:15

Ancianokunapiwan reqsisqa runakunam chay animalpa uman hina, mana cheqap kaqta willakuq profetakunañataqmi chay animalpa chupan hina.

Jeremías 23:32

Yanqakunata mosqoruspa runaykunata pantachiq profetakunapa contranpim kachkani. Paykunaqa llullakunata willaspankum llaqtayta pantarachinku. Paykunataqa manam kachamurqanichu nitaqmi kamachimurqanichu, paykunaqa manam llaqtaypa allinnintachu rimarqaku. Ñoqa Tayta Diosmi chaynata nini.

Jeremías 34:19

Malta torota nakaruspankum iskayman parteruspanku chawpinta pasarurqaku, ichaqa chayllam chay contrato ruwasqankuta yanqacharurqaku.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Jeremías 8:10

Chayraykum warminkutapas hukmanña qoykusaq, chakrankutapas hukmanñam qoykusaq. Paykunaqa hatunpas taksapas apuyaruyllatam maskanku, profetawan sacerdotekunapas engañakuqllañam rikurirunku.

Lamentaciones 2:14

Profetaykikunapas pantaykunallatam willasurqanki manam huchaykikunataqa qawachisurqankichu, mana chayqa manam preso riwaqchu karqa, aswanqa llullakunatawan mana pasaqkunallatam willasurqanki chaykunawanmi pantachisurqanki.

Ezequiel 22:26

Sacerdotekunapas kamachikuyniykunatam qewirunku, ñoqapaq sapaqchasqa kaqkunatapas millakuypaqtañam ruwarunku, manam yachankuñachu mayqanmi ñoqapaq sapaqchasqa kasqanta otaq millakuypaq kasqantapas; manataqmi yachachinkuchu mayqanmi allin otaq mana allin kasqantapas. Samana punchawniykunatapas qepancharunkum, manañam ñoqataqa hatunchawankuñachu.

Ezequiel 22:6

Chaypim Israelpa kamachiqninku-napas yachanku, paykunam atiyninkuman hina yawar chaqchuyllapiña kallpakachanku.

Ezequiel 44:23

Sacerdotekunaqa runaykunatam yachachinanku imam chuya kasqanta chaynataq imam millakuypaq kasqantapas, reqsichinqakutaqmi allin kaqta chaynataq mana allin kaqtapas.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Malaquías 1:6

Tukuy Atiyniyuq Tayta Diosmi sacerdotekunata kaynata nin: Warmakunaqa taytankutam respetan, criadokunapas patronninkutam kasukunku. Sichum taytaykichik ñoqa kaptiyqa, ¿imanasqataq mana respetawankichikchu? Sichum patronnikichik kaptiyqa ¿imanasqataq mana kasuwankichikchu? Qamkunaqa sutiyta despreciachkaspapas kaynataraqmi ninkichik: “¿Imapitaq ñoqayku despreciarqaykiku?” nisparaq.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Malaquías 2:8

Sacerdotekuna, qamkunam ichaqa allin ñanmanta karunchakurunkichik, mana allinkunata yachachispam llapa runata pantarachinkichik. Chaynapim Leviywan pacto ruwasqayta yanqacha-runkichik.

Mateo 7:15

Llulla profetakunamantayá waqay-chakuychik. Paykunaqa ovejaman pachasqam hamunku, ukunkupim ichaqa suwa atoqkuna kanku.

2~Corintios 11:13

Paykunaqa llulla apostol-kunam, engañowan llamkaspam Cristopa apostolnin tukunku.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Jueces 9:4

Baal-berit idolopa templonmanta medio kilo masnin qollqeta Abimelecman qoykuptinkum, payta puriysinanpaq chaywan qella runakunata contratarurqa.

1~Samuel 2:22

Sacerdote Eliymi llumpay machuña karqa, yacharqam churinkunapa Israel runakunawan millay hucha ruwasqankuta, yacharqataqmi Diosman asuykuna carpapa punkunpi serviq warmikunawan puñukusqankutapas.