Sofonías 3:20 - CHUYA QELLQA La Biblia en Quechua de Ayacucho 2012

²⁰ Chay tiempopim huñumuspa kutichimusqaykichik, hinaspaymi kay pachapi lliwpa reqsisqantaña, chaynataq lliwpa respetanantaña ruwasqaykichik. Chaynataqa ruwasqaykichik, preso risqaykichikmanta kutichimuspaymi. Ñoqa Tayta Diosmi chaynata nini.

Quechua Ayacucho Bible 1987

²⁰ Ñoqa Tayta Diosmi kaynata nini: Chay tiempopim kutichimusqaykichik. Chay tiempopim huñumusqaykichik. Kay pachapi lliwpa reqsisqanmanñam qamkunataqa tikraykusqaykichik. Kay pachapi lliwpa alabananmanñam qamkunataqa tikrarusqaykichik. Preso kasqaykichikmanta kutichimuspayñam qawachkaptikichik rurapusqaykichik.

Chuya Qellqa 1992

²⁰ Chay tiempopim huñumuspa kutichimusqaykichik, hinaspaymi kay pachapi lliwpa reqsisqantaña, chaynataq lliwpa respetanantaña ruwasqaykichik. Chaynataqa ruwasqaykichik, preso risqaykichikmanta kutichimuspaymi. Ñoqa Tayta Diosmi chaynata nini.

Sofonías 3:20 Iomraidhean Croise

Isaías 56:5

hinaptinqa paykunamanmi churikuna qonaymantapas aswan allin kaqkunata qosaq, temploypa perqankunapim sutinkuta qellqachisaq, mana chinkaq wiñaypaq takyaq sutitam qosaq.

Isaías 56:8

Israel runakunata preso kasqankumanta kutichimuq Tayta Diosmi kaynata nin: Chay kutichimusqay llaqtamanmi huk runakunatawanraq huñumusaq, nispa.

Isaías 60:15

Saqesqa, cheqnisqa hinaspa manaña pipapas purinan kanaykimantaqa, wiñaypaq reqsisqatam ruwasqayki, miraykunapa kusikunanpaqmi wiñaypaq churasqayki.

Isaías 61:9

Miraynikikunapas huklaw nacionkunapa reqsisqanmi kanqaku, willkaykichikkunapas llaqtakunapa reqsisqanmi kanqaku. Llapallan rikuqninkunam yachanqaku “Tayta Diospa bendecisqan miraykuna” kasqankuta.

Isaías 62:12

Israeltam sutichanqaku: “Tayta Diospa librasqan chuya llaqta” nispanku. Jerusalentañataqmi sutichanqaku: “Sumaq waqaychasqa munayllapaqña llaqta”, nispanku.

Isaías 62:7

Jerusalén llaqtata hatarichinankamayá Tayta Diostaqa ama samaykachiychikchu; Jerusalén llaqta tukuy kay pachapi alabasqa kanankamayá ama saqeychikchu”, nispa.

Isaías 66:22

Ñoqa Tayta Diosmi nini: Imaynam musoqmanta unanchasqay hanaq pachapas chaynataq allpa pachapas wiñaypaq takyanqa, chaynam miraynikikunawan sutikipas takyanqa.

Jeremías 23:3

Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 33:9

Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Ezequiel 16:53

Sodomatawan Samariatam wawan-tintakama preso apasqa kasqankumanta kutichimusaq, qamtapas preso risqaykimantam kutichimusqayki,

Ezequiel 28:25

Ñoqa Tayta Diosmi kaynata nini: Cheqechisqa kasqanku nacionkunamanta Israelpa mirayninkunata huñumuspaymi, nacionkunapa qawasqanta chuya kasqayta paykunaman qawachikusaq, chaynapim Israelpa mirayninkunaqa serviqniy Jacobman qosqay allpapi yachanqaku.

Ezequiel 34:16

Chinkasqa ovejakunatam maskamusaq, chullaruqtam kutichimusaq, chakin pakisqakunatam wataykusaq, eqoyasqakunatam marqarikusaq. Poqosqakunatawan kallpasapankunatam ichaqa puchukarachisaq, imam kaqman hinam michisaq.

Ezequiel 37:12

Chaynaqa, runapa churin, ñoqa Tayta Diospa nisqayta kaynata niy: Runallaykuna, sepulturaykichikta kichaykuspaymi qamkunataqa kikiypuni hurqomusqaykichik, hinaspam allpaykichikman kutichimusqaykichik.

Ezequiel 37:21

Hinaspaykim ñoqa Tayta Diospa nisqayta kaynata ninki: Israelpa mirayninkunataqa tukuy hinastinman risqanku nacionkunamanta huñumuspaymi allpankuman kutichimusaq.

Ezequiel 39:13

Llapallan runakunam pampanqaku, chay punchawqa yuyarinanku punchawmi kanqa; chay punchawmi atiyniyuq kasqayta qawachikusaq. Ñoqa Tayta Diosmi chaynata nini.

Ezequiel 39:28

Nacionkunaman presota apachisqaymanta mana chullatapas puchuykuspa allpankuman huñumuptiymi Tayta Dios kasqayta yachanqaku.

Joel 3:1

Tayta Diosmi kaynata nin: Chay punchawkunapim, Judá nacionpi yachaqkunatawan Jerusalén llaqtapi yachaqkunata preso risqankumanta kutichimusaq.

Amós 9:14

Israel llaqtaytam preso risqanmanta kutichimusaq; pay-kunam tuñichisqa llaqtakunata hatarichispa chaypi yachanqaku. Uvasta tarpuspam vinotapas upyanqaku, chakrakunapi tarpuspam rurunta mikunqaku.

Miqueas 2:12

Jacobpa mirayninkuna cheqaptapunim huñunasqaykichik, Israelmanta puchuqkunatam huñumusaq. Ovejakunata corralman huñuchkaq hinam huñusqaykichik, pastokunapi huñuchkaq hinam huñusqaykichik, hinaptinmi waranqantin-waranqantin runakuna hinaraq qaparinkichik.

Miqueas 4:7

Wistu ovejakunamantam taksa llaqtata hatarichisaq, llapa chinkasqamantañataqmi kallpasapa nacionta ruwasaq, hinaspaymi ñoqa Tayta Diosñataq Sión moqopi wiña-wiñaypaq paykunapi munaychakusaq.

Sofonías 2:7

Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.

Sofonías 3:19

Chay tiempopim lliw ñakarichisuqnikikunata ñakarichisaq, wistu ovejakunatam salvaykusaq, chinkaqtapas maskamuspaymi huñumusaq. Penqaypi kaynikitam reqsisqa kaymanwan pipapas alabananmanña tikrarusaq.

Zacarías 8:13

Judá nacionpi, Israel nacionpi yachaq-kuna, imaynam huklaw nacionkunapi ñakasqa karqankichik, kunanñataqmi salvaykuspay bendición kanaykichikpaq churasqaykichik. Chaynaqa, ama manchakuspa kallpanchakuychik, nispa.

Zacarías 8:8

Kutichimuptiymi Jerusalenpi yachakunqaku, paykunam kanqa llaqtay, ñoqañataqmi Diosninku kasaq, paykunam ñoqapi hapipakunqaku, ñoqañataqmi nanachikuqninku kasaq, nispa.

Malaquías 3:12

Hinaptinmi llapallan nacion-kuna sutichasunkichik kusisqa llaqtawan, munayllapaqña kasqaykichikrayku. Tukuy Atiyniyuq Tayta Diosmi chaynata nin.

Deuteronomio 26:18

Israel llaqta, kunanmi Tayta Dios nisunkichik qamkunaqa llaq-tanña kasqaykichikta, imaynam prometekusqanman hina, chaynaqa, tukuy kamachikuyninkunatayá kasukuychik.

Deuteronomio 26:19

Paymi wakin nacionkuna hatarichisqanmantapas ancha reqsisqata chaynataq allin qawasqata ruwasunkichik. Chaymi Señornikichik Tayta Diospa nisqanpi hina payllapaqña sapaqchasqa kankichik.