Sofonías 3:14 - CHUYA QELLQA La Biblia en Quechua de Ayacucho 2012

¹⁴ Sión llaqtapi yachaqkuna, kusikuymanta takiychik, Israel nacionniyuq runakuna, kusikuymanta qapariychik, Jerusalén llaqtapi yachaqkuna, tukuy sonqomanta kusikuychik.

Quechua Ayacucho Bible 1987

¹⁴ Sion llaqtapi *f**yachaqkuna, kusikuymantayá qaparillawanña takiychik. Israel nacionniyoq runakuna, tukuy sonqowan kusikuspayá qapariychik. Jerusalen llaqtapi *f**yachaqkuna, tukuy sonqoykichikwanyá llumpayta kusikuychik.

Chuya Qellqa 1992

¹⁴ Sión llaqtapi yachaqkuna, kusikuymanta takiychik, Israel nacionniyuq runakuna, kusikuymanta qapariychik, Jerusalén llaqtapi yachaqkuna, tukuy sonqomanta kusikuychik.

Sofonías 3:14 Iomraidhean Croise

Nehemías 12:43

Chay punchawpim achkallaña ofrendakunata ofrecespanku kusikurqaku, Tayta Dios kusichisqanrayku sinchillataña kusikurqaku. Warmikunawan wawakunapas ancha kusisqam karqaku, chaymi Jerusalenpi kusikuyqa karukamaraq uyarikurqa.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 29:19

Sumaq sonqoyuqkunam Tayta Diospi kusikunqaku, pasaypaq wakchakunam Israelpa Chuya Diosninrayku kusikunqaku.

Isaías 35:2

Sumaqta waytaspam kusikunqa, kusikuymantam qaparinqa; kuyayllapaq kayninmantam hatunchasqa kanqa, Líbano montepas, Carmelo orqopas, Sarón pampapa hatunchasqa kasqanta hina; chaypim paykuna, Tayta Diospa atiyniyuq kayninta rikunqaku.

Isaías 37:22

Chaynaqa, ñoqa Tayta Diosmi kaynata nini: Yaw, rey Senaquerib, Sión llaqtaqa sipas hinam qanmanta asikun, Jerusalén llaqtaqa qepaykipim umanta aywin.

Isaías 40:1

Yupaychasqaykichik Tayta Diosmi kaynata nin: Llaqtayta consuelaychik, runaykunata kallpanchaychik.

Isaías 40:9

Sionpi yachaqkuna, orqoman qespispa qapariychik; Jerusalenpi yachaqkuna, kay sumaq willakuyta hatunmanta qaparispa willakuychik; ama manchakuspa Judá nacionpi llaqtakunaman kaynata willakuychik: ¡Diosninchikqa kaypim kachkan! nispa.

Isaías 51:11

Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Isaías 52:9

Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Isaías 54:1

Tayta Diosmi kaynata nin: ¡Mana wachakuq qolluq warmi, llumpayta kusikuy! ¡Mana wachakuq warmi, qaparispa takiy! Qosanpa saqesqan warmiqa, qosayuq warmimantapas achka wawasapam kanqa.

Jeremías 30:19

Chaypi yachaqkunam graciasta qowanqaku, takispankum kusikuymanta qaparinqaku. Mirachiptiymi paykunaqa achkallaña kanqaku, ancha reqsisqata ruwaptiymi manaña pipas uchuychasunkichikñachu.

Jeremías 31:13

Sipaskunam kusikuymanta tusunqaku, Jovenkunawan machuchakunam kusikunqaku. Waqayninkutapas kusikuymanñam tikrasaq, consuelaspaymi nanayninkutapas kusikuymanña tikrasaq.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Joel 2:23

Sión moqopi yachaqkuna, Diosnikichikpi kusikuychik, payqa yapuy paratapas tiempollanpim qosunkichik, yapuy paratapas poqoy paratapas ñawpaqpi hinam tiempollanpi qosunkichik.

Miqueas 4:8

Ancha kuyasqay Jerusalén llaqtayta waqaychaq Sión moqo, huktawanmi llaqtaypa capitalnin kanki, huktawanmi ñawpaqta hina kuyayllapaq kanki.

Mateo 21:9

Ñawpaqninta qepanta riq runakunañataqmi qaparir-qaku: ¡Davidpa churinqa yupaychayqayá kachun! ¡Señorpa sutinpi hamuqqa yupaychasqayá kachun! ¡Hanaq pacha-pipas Diosqa yupaychasqayá kachun! nispanku.