Sofonías 3:13 - CHUYA QELLQA La Biblia en Quechua de Ayacucho 2012

¹³ Israelpi puchuqkunapas manañam mana allintaqa ruwanqakuñachu, nitaqmi llullakunqakuñachu, manañam pitapas engañanqakuchu. Michisqa kaspankum hawkaña samakunqaku, manchachiqninkupas manañam kanqañachu, nispa.

Quechua Ayacucho Bible 1987

¹³ Israel casta puchuq runakunaqa manañam mana allintaqa ruranqakuñachu. Israel casta puchuq runakunaqa manañam llullatapas rimanqakuñachu. Manañam engañakuq runaqa kanqakuñachu. Ovejakuna hinañam michiqniyoq kanqaku Mana pipapas manchachisqanñam samakunqaku.

Chuya Qellqa 1992

¹³ Israelpi puchuqkunapas manañam mana allintaqa ruwanqakuñachu, nitaqmi llullakunqakuñachu, manañam pitapas engañanqakuchu. Michisqa kaspankum hawkaña samakunqaku, manchachiqninkupas manañam kanqañachu, nispa.

Sofonías 3:13 Iomraidhean Croise

2~Crónicas 20:30

Chaynapim rey Josafatpa munaynin hawkayaypi karqa, Tayta Diosmi muyuriqninpi nacionkunawan hawkayaypi kawsachirqa.

Jobwan Sutichasqa Libro 11:19

Puñuykuptikipas manam imapas manchachisunkichu, achkaqmi yanapakuyta maskaq qanman hamunqaku.

Isaías 17:2

Aroer llaqtaqa mana runayuqñam chunninqa, animalkunapa mikunanñam kanqa, mana pipa manchachisqanmi chaypiqa animalkunallaña puñunqa.

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Isaías 54:14

Allinkuna ruwasqaykim kallpanchasunki, ñakariymantapas karupim tarikunki, manchakuypas manañam hukmanyachisunkiñachu.

Isaías 6:13

Pachakmanta chunkallaña puchuqkunatapas chinkachisaqmi. Ichaqa imaynam roble sachata encina sachata kuchuruptinku kullullanña puchurun chaynam kanqaku. Chaywanpas chay kulluqa ikllimunqam, chay kullumanta ikllimuqmi Tayta Diospaq sapaqchasqa kanqa.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 63:8

Tayta Diosmi nirqa: “Cheqaptapunipas llaqtayqa mana llullakuq churiykunam”, nispa. Chayraykum paykunata salvarqa.

Isaías 65:10

Sarón pampapas ovejakunapa huntasqanñam kanqa, Acor qechwapas uywakunapa mikunanñam kanqa, maskaqniy runakunapaqmi chayna kanqa.

Jeremías 23:4

Paykunata michinanpaqmi michiqkunata churasaq, chaynapi manaña manchakunankupaq nitaq hukllapas chinkananpaq. Ñoqa Tayta Diosmi chaynata nini.

Jeremías 30:10

Ñoqa Tayta Diosmi kaynata nini: Serviqniy Jacobpa mirayninkuna ama manchakuychikchu, Israelpa mirayninkuna ama hukmanyaychikchu; ñoqam preso risqaykichik karu nacionmanta qamkunatapas miraynikichikkunatapas libramusqaykichik, kutimuspaykichikmi mana pipa manchachisqan hawkaña kawsakunkichik.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Ezequiel 39:26

Allpankupiña hawka mana pipapas manchachisqan kawsakuspankum, contraypi hatarispanku millakuypaq kaqkunata ruwasqankumanta penqakunqaku.

Joel 3:17

Chaynapim yachankichik Dios Taytaykichik kasqayta, hinaspa sapaqchakusqay Sión moqopi yachasqayta. Jerusalenpas chuya llaqtam kanqa, manañam haykapipas huklaw llaqtayuq runakunaqa munaychakunqakuñachu.

Joel 3:21

Ñoqa Tayta Diosmi manaraq mayllasqaykunapa yawarninta mayllaykusaq, hinaspaymi Sión moqopi yachakusaq.

Levítico 26:6

Nacionnikichikpim hawka kawsakuyta qosqaykichik, hinap-tinmi puñuspapas mana pipa manchachisqan puñukunkichik. Manchakuypaq monte animalkunatapas nacionnikichikmantam chinkachisaq, guerrapas chay-piqa manañam kanqachu.

Miqueas 4:4

Sapakamam uvas plantankupa higos sachankupa llantunpi tiyakunqaku, manañam pipas paykunataqa manchachinqachu. Tukuy Atiyniyuq Tayta Diosmi chaynata nin.

Miqueas 4:7

Wistu ovejakunamantam taksa llaqtata hatarichisaq, llapa chinkasqamantañataqmi kallpasapa nacionta ruwasaq, hinaspaymi ñoqa Tayta Diosñataq Sión moqopi wiña-wiñaypaq paykunapi munaychakusaq.

Miqueas 7:14

Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Sofonías 2:7

Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.

Sofonías 3:5

Tayta Diosmi ichaqa chawpinkupi allinllata ruwan, mana allintaqa manam ruwanchu, Payqa sapa achikyaqtam kamachikuyninkunata rimarin. Mana allin runam ichaqa mana penqakuq qara uya.

Zacarías 8:12

Aswanqa chawpinkupi hawkayay kaptinmi, uvaspas sumaqllataña rurunqa, allpapas achkanpim rurunqa, cielokunapas sullantam chayachimunqa. Tukuy chaykunatam munaychakunankupaq kay llaqtamanta puchuqkunaman qosaq.

Zacarías 8:16

Chaynaqa, kaykunata ruwaychik: Runamasikichikwan cheqap kaqta rimaychik, mana pimanpas sayapakuspa allin arreglota ruwaychik, cortekunapipas hawkayayta maskaychik.

Zacarías 8:3

Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.

Mateo 13:41

Runapa Churinmi angelninkunata kamachinqa, hinaptinmi munaychakuyninmanta llapa huchasapakunatawan runamasin pantachiqkunata huñunqaku,

Juan 1:47

Jesusñataqmi Natanaelta rikuruspan nirqa: Kay hamuq runaqa cheqap israelitam, paypiqa manam ima engañopas kanchu, nispa.

Colosenses 3:9

amataqyá llullakunataqa rimaychikchu. Ñawpaq imaynam kawsaynikichiktawan tukuy mana allin ruwaynikichiktaqa saqerunkichikñam,

1~Pedro 3:14

Allin ruwasqaykichikmanta ñakarispaqa mayna kusisqam kankichik, amayá pitapas manchakuychikchu nitaq hukmanyaychikchu.

1~Juan 5:18

Yachanchikmi haykam Diosmanta naceqkunaqa manaña huchallikuq kasqanta, Diospa Churin Jesucristo waqaychaptinmi diablopas manaña imananchu.

Apocalipsis 14:5

Paykunaqa mana llullakuqmi hinaspa mana chikan huchayuqmi kasqaku.

Apocalipsis 21:27

Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.