Sofonías 3:12 - CHUYA QELLQA La Biblia en Quechua de Ayacucho 2012

¹² Chawpikipim saqeykusaq uchuychakuqkunatawan wakchakunallataña, paykunam ñoqa Tayta Diospi hapipakuwanqaku.

Quechua Ayacucho Bible 1987

¹² Ñoqa Tayta Diospi amparakuqkunataqa chawpillaykichikpim saqeykusaq. Ñakariqkunatawan wakcha runakunataqa chawpillaykichikpim saqeykusaq.

Chuya Qellqa 1992

¹² Chawpikipim saqeykusaq uchuychakuqkunatawan wakchakunallataña, paykunam ñoqa Tayta Diospi hapipakuwanqaku.

Sofonías 3:12 Iomraidhean Croise

Esdras 9:8

Chaywanpas Dios Taytallayku, kunanmi pisi tiempollapaqpas kuyapayakuynikita qawaykachiwankiku, hinaspam wakiqllaykutapas libreta puchuykachiwankiku, chaynapi chuya allpapi hawka kawsanaykupaq. Diosnillayku, qanmi ñawillaykuta kanchariykuwankiku, esclavo kachkaptiykum allin kawsaytaraq qoykuwankiku.

Isaías 14:30

Qanmanta puchuqkunatam yarqaymanta wañuchisaq, chaymanta puchuqkunatañataqmi ñutusaq. Wakchakunatam ichaqa allin mikusqata uywasaq, mana imayuqkunañataqmi hawkallaña samakunqaku.

Isaías 14:32

Chay nacionkunamanta kachamusqankumanqa ¿imanisuntaq? Nisunchikqa: Tayta Diosmi Jerusalén llaqtataqa hatarichirqa, chaymanmi ñakarichisqa runankunapas amparakunqaku, nispam.

Isaías 29:19

Sumaq sonqoyuqkunam Tayta Diospi kusikunqaku, pasaypaq wakchakunam Israelpa Chuya Diosninrayku kusikunqaku.

Isaías 50:10

Tayta Diosllata kasukuqkuna, serviqninpa willakusqanta uyariqkuna, tutayaypi purispa achkita mana tariy atiqkuna, Tayta Diosllaman hapipakuychik, Diosllaykichikman hapipakuychik.

Isaías 6:13

Pachakmanta chunkallaña puchuqkunatapas chinkachisaqmi. Ichaqa imaynam roble sachata encina sachata kuchuruptinku kullullanña puchurun chaynam kanqaku. Chaywanpas chay kulluqa ikllimunqam, chay kullumanta ikllimuqmi Tayta Diospaq sapaqchasqa kanqa.

Jeremías 17:7

Ñoqa Tayta Diospi hapipakuq runam ichaqa, ñoqa Tayta Diospi suyasqanrayku bendecisqa kanqa.

Jeremías 50:20

Ñoqa Tayta Diosmi kaynata nini: Chay punchawkunapiqa, Israel nacionpa mana allin ruwasqankuta maskaspankupas manam tarinqakuñachu, Judá nacionpa huchankunata maskaspankupas manam tarinqakuñachu. Puchuchisqay runakunapa huchantam ñoqa pampachasaq, nispa.

Ezequiel 6:8

Chaywanpas ñoqaqa wakillayki-chiktapas puchuykusqaykichikraqmi. Chaynapim qamkunaqa guerramanta ayqespa nacionkunaman cheqechisqa kankichik.

Miqueas 5:6

Paykunam Asiria naciontapas, Nimrodpa llaqtantapas, espadawan chinkarachinqaku. Asiria runakuna hamuspa allpanchikpa linderonkunata saruptinpas paymi librawasun.

Nahúm 1:7

Tayta Diosqa kuyapayakuqmi, sasachakuy punchawpipas waqaychakuqmi, payman hapipakuqtaqa pakaykunmi.

Zacarías 11:11

Chay punchawpim chay pacto pakisqa karqa, hinaptinmi oveja rantiqkuna imam ruwasqayta qawaykuspanku yacharurqaku, chayqa Tayta Diospa Chuya simin kasqanta.

Zacarías 11:7

Chaynapim wañuyman destinasqa kaq ovejakunata michirqani. Michinaypaqmi iskay tawnakunata hapiykurqani, huknintam suticharqani kuyapayakuywan, huknintañataqmi hukllawanakuywan, hinaspaymi michirqani.

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Mateo 12:21

Llapa nacionkunapas paypa sutinpi hapipakuspam suyanqaku”.

Mateo 5:3

Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

Romanos 15:12

Isaiaspas kaynatam nirqa: “Sachapa sapin ikllirimuq hinam Isaipa miraynin rikurimunqa. Nacionkunata munaychakunanpaqmi payqa hamunqa, paypi confiakuspam llapallanku suyanqaku”, nispa.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.